22
Сре, Фев
MK мотоциклисти на меѓународни трки

Мотокрос: Втора трка од Источно Европскиот шампионат

Овој викенд на патеката во Хајраболу, Турција, се вози втората трка од Источно Европскиот шампионат во мотокрос на кој Македонија ќе има тројца претставници.

Следете нè на:

 

serres-mx-129МФМ со тројца претставници во Турција

Овој викенд на патеката во Хајраболу, Турција, се вози втората трка од Источно Европскиот шампионат во мотокрос на кој Македонија ќе има тројца претставници.

МФМ на трката во Турција ќе има тројца претставници: Христијан Илиоски, Борче Костов и Андриан Ристевски.

Најголема надеж за нашите фанови секако е настапот на Илиоски во најсилната класа МХ1, имајќи во предвид дека на првата трка го освои третото место и во генералниот пласман заостанува само 7 бодови зад првиот и второпласираниот. Кико со двете трети места во Серес во генералниот пласман има 40 бодови, додека пак неговите конкуренти Радута Адриан (Романија) и Тотев Тодор (Бугарија) имаат по 47 бодови.

ilioski-serresХристијан Илиоски - Кико на првата трка во Серес

Во класата МХ85 се очекува солиден настап на Ристевски кој покажа фантастично возење во Серес но за жал немаше среќа. На Ади во првата трка му пукна ланецот, а во втората му се расипа моторот иако имаше одлични шанси да се бори и за место на подиумот. Се надеваме дека викендов тој ќе го покаже својот потенцијал, спортската среќа ќе биде на негова страна и на Македонија ќе и донесе нови бодови од Источно Европскиот шампионат во мотокрос.

ristevski-serresАндриан Ристески на трката во Серес (#99)

Во класата МХ3 ќе го следиме Костов кој пред почетокот на сезоната најави дека целта е да ги извози сите трки од Источно Европскиот шампионат. Неуморниот „Жолт“ покажува дека нема промена на планот, а ние се надеваме дека ќе продолжи со солидните возења и ќе ја исполни својата цел.

borce-kostov-seresБорче Костов - Жолт на првата трка во Серес

Од вкупно 12 трки колку што беа закажани пред почетокот на сезоната до сега се возеше една, онаа во Грција, а втората трка која што требаше да се вози во Гевгелија беше откажана. 

Во продолжение следува и календарот на преостанати трки:

13.04.2014 – Хајраболу, Турција

08.06.2014 – Бузо, Романија

15.06.2014 – Крешево, Босна и Херцеговина

22.06.2014 – Силвен, Бугарија

29.06.2014 – Глобаре, Србија

31.08.2014 – Самоков, Бугарија

14.09.2014 – Тројан, Бугарија

21.09.2014 – Прилеп, Македонија

19.10.2014 – Хинцести, Молдавија

02.11.2014 – Бурса, Турција

 

comments

Би можело да ве интересира

Нашиот најдобар натпреварувач на Балканскиот шампионат во брзински мотоциклизам во класата до 125цц од оваа сезона ќе настапува со лиценца од мото клубот „Enduro Team Vodno“.

КТМ е новиот тим кој ќе биде дел од 2017 MotoGP шампионатот. Според резултатите кои ги постигнаа за време на тестовите на Филип Ајленд, очигледно е дека тимот се уште го чека работа.

Џонатан Реа ги потсети своите ривали дека ќе биде еден од фаворитите откако го заврши претсезонскиот тест на Филип Ајленд на првото место

Двоецот на КТМ, Бредли Смит и Пол Еспаргаро, се задоволни од резултатите што ги постигнаа на вториот од трите MotoGP тестови.

Моделот на Yamaha, XSR900, ја освои престижната „iF Design“ награда за 2017 година.

Во каталогот можете да ги видите најдобрите производи кои се продаваат под брендовите Ariete, Harri и ARI и се наменети за мотоциклистите.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!