MK мотоциклисти на меѓународни трки

Мотокрос трка во Самоков: Успешен настап на нашите натпреварувачи

Викендов на патеката Самоков во Бугарија се возеше петтата рунда од Источно Европскиот шампионат во мотокрос на која настапија седум наши претставници.

Следете нè на:

 

makedonski trkaci bugarijaУспешен настап на нашите претставници во Самоков

Викендов на патеката Самоков во Бугарија се возеше петтата рунда од Источно Европскиот шампионат во мотокрос на која настапија седум наши претставници.

Повеќе од 120 возачи викендов се натпреваруваа во класите МХ65, МХ85, МХ, МХ Ветерани, МХ2, МХ2 Јуниор и МХ1 на патеката Самоков во Бугарија во рамките на петтата рунда од Источно Европскиот шампионат во мотокрос.

Македонската делегација ја сочинуваа 7 возачи во четири различни класи. Во класата МХ/МХ Ветерани настапија Борче Костов, Мирче Ќорнаков, Гркот Петрос Танусис кој вози со наша лиценца, како и Јован Стојков и Васко Киров. Во класата МХ2/МХ2 Јуниор го имавме Христијан Станкович, а во најсилната класа МХ1 добро познатиот Христијан Илиоски.

mx samokovl 2015 2 24Жешко време и каллива подлога за втората трка во класата МХ

Класата МХ настапот го започна во саботата кога се возеше првата трка, следевме возбудлива борба во конкуренција на 40 возачи. Полната рампа значеше и квалификации за тоа кој ќе настапи на самата трка бидејќи во Самоков се појавија повеќе од 40 возачи за класите МХ и МХ Ветерани, но за среќа сите наши претставници успешно ги поминаа квалификациите.

Најдобар пласман во оваа класа имаше Петрос Танусис кој првата трка ја заврши на 14 позиција, но за жал неговиот мотор не издржа па тој не настапи на втората трка. Јован Стојков имаше одлично возење на првата трка но за жал немаше среќа на втората кога на два пати доживеа пад. Првата трка беше карактеристична по правот кој не дозволуваше возачите да го покажат целиот свој потенцијал. Повеќето од возачите беа заглавени зад моторите кои паднаа на средина од патеката што и овозможи на предната група да направи разлика. На втората трка пак калливата подлога која беше резултат на наводнувањето пред почетокот на сесиите повторно им ја отежна работата на возачите. 

mx samokovl 2015 1 86Ќорнаков со одличен старт на првата трка

Мирче Ќорнаков кој е познат по доброто стартување ја покажа својата магија во првата трка, по стартот тој се приклучи на првиот дел од колоната но за жал до крајот успеа да се избори само за 15 позиција во класата МХ Ветерани која му донесе 6 бодови. Веднаш зад него се најде Борче Костов кој прокнижа 5 бодови за 16-та позиција, но одличниот настап на Костов на втората трка му го донесе 12-то место и нови 9 бодови во борбата за четвртата позиција во генералниот пласман.

Васко Киров успешно ги заврши двете трки во Самоков што секако ќе придонесе за неговиот понатамошен развој и напредок во кариерата. Конкуренцијата во оваа класа беше навистина голема и самото тоа што нашите натпреварувачи се квалификуваа за трките и ги завршија претставува успех.

mx samokovl 2015 2a 7Христијан Станкович на патеката во Самоков

Во класата МХ2/МХ2 Јуниор Христијан Станкович имаше 21-во време на квалификациите во конкуренција на 27 возачи, за во неделата на првата трка да заврши на 13-та позиција во МХ2 Јуниор. Втората трка за него донесе лош старт и мал пад кој на крајот значеше 15-та позиција но ново искуство и мотив повеќе да работи на својот напредок. Треба да се има во предвид и дека сите наши возачи во Бугарија отпатуваа веднаш по возењето на две трки во Куманово на тешка и правлива патека која физички ги истроши до максимум.

mx samokovl 2015 2a 19Кико беше незапирлив во Самоков

Во класата МХ1 нашиот најдобар натпреварувач Христијан Илиоски беше незапирлив. Тој доминираше на двете трки благодарение на што на крајот се искачи на нај високот место на пиедесталот за честа да се слушне македонската химна во Самоков. Со победата во Бугарија Кико се искачи на вотрата позиција во генералниот пласман со заостанување од 38 бодови зад прво пласираниот Тодор Тотев.

До крајот на шампионатот сигурна е уште една трка која треба да се вози во Тројан, Бугарија, а неизвесно е дали ќе се одржи трката во Гевгелија која беше откажана на почетокот од сезоната заради поплавите.

comments

Би можело да ве интересира

Алеш Еспаргаро го заврши првиот ден од тестовите во Австралија на изненадувачкото прво место откако на најдобар начин ги искористи временските услови на Филип Ајленд. На крајот Еспаргаро заврши со предност од 0.005 пред лидерот во шампионатот, Марк Маркез.

Honda Super Cub, кој беше создаден во Јапонија, ја отсликува пасијата на компанијата да им служи на луѓето ширум светот. Како резултат на ваквата политика, Super Cub серијата веќе долго време предизвикува задоволство кај луѓето од целиот свет и успеа да стигне до бројка од 100 милиони произведени примероци.

Сега сме во многу тешка ситуација, особено кога настапуваме на влажни услови. И на суви услови имаме проблеми но барем можеме да бидеме малку поконкурентни.

Бројот на претсезонските тестови во 2019 година ќе биде ограничен и ќе се оддржат само во Сепанг и во Катар пред започнувањето на сезоната.

BMW, Honda и Yamaha ги преземаат следните чекори во примената на паметната технологија.

Патеката во Херез на која ќе се оддржи трката од WSBK шампионатот ќе биде полна со возачи кои се на замена. Големиот број на повреди оваа сезона не ги погодија само регуларните возачи туку и нивните заменици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!