MK мотоциклисти на меѓународни трки

Мотокрос: Малер за Кико, а Баже со одличен настап

Sveceno otvoranjeТројца претставници на Мотоциклистичката федерација на Македонија (МФМ) на 5 и 6 мај на патеката Брегина крај Зарнешти (Романија) ги бранеа боите на Македонија на вториот натпревар од Европскиот и отворениот Источно-Европскиот шампионат за мотокрос за 2012 година.

Следете нè на:

 

Sveceno otvoranje

Тројца претставници на Мотоциклистичката федерација на Македонија (МФМ) на 5 и 6 мај на патеката Брегина крај Зарнешти (Романија) ги бранеа боите на Македонија на вториот натпревар од Европскиот и отворениот Источно-Европскиот шампионат за мотокрос за 2012 година. Иако сите погледи беа насочени кон освојувачите на подиум на првата трка „Гран При Македонија 2012“ кога Христиан Илиоски беше втор во МХ2 класата, а Гоце Томовски трет во МХ1, во прв план изби Благојче Спировски.

За жал очекувањата за добар пласман на Илиоски изчезнаа уште после тренингот, кога неговиот тим не беше во можност да го отстрани техничкиот дефект на мотоциклот. Единствено што му преостана на шампионот од 2009 година во оваа конкуренција беше бодрењето на своите репрезентативни колеги за време на две трки.

Spirovski 1

Поради преголемата прашина на патеката во текот на тренинзите, интернационалното жири по реакциите на голем дел на натпреварувачи одлучи комплетно да ги откаже саботните квалификации во класите МХ1 и МХ2 и истите да ги презакаже во недела наутро. И покрај реакциите, организаторот успеа половично да си ја изврши работата и да го намокри само едниот дел на патеката.

Spirovski 3

Во класата МХ2 учествуваа вкупно 20 натпреварувачи. Во првата трка Спировски кој стартуваше како последен успеа да се пробие во средина на колоната и со двајца конкуренти во првата половина од трката се бореше за осмото место. Сепак, во момент на невнимание неговиот мотоцикл изгасна, а Спировски изгуби 4 позиции. До крајот на трката нашиот натпреварувач го засили темпото и стигна до деветтото место. Во втората трка тој имаше одличен старт и веднаш се проби на шестото место, а после вториот круг и на петтото место. Се до последниот круг тој успешно одолеваше на нападите на домашниот натпреварувач Виргил Корбеа, но на два скокови до крајот Корбеа успеа да избие пред Спировски, а во самата цел за половина тркало беше побрз и грчкиот натпреварувач со романска лиценца, Георгиос Арванитис. И покрај тоа што изгуби две позиции, охрабрува одличното возење на Спировски кому ова му беше интернационално деби надвор од Македонија во конкуренција на отворениот Источно-Европскиот шампионат. Со новите 26 бодови, тој стигна до вкупно 48 бодови и изби на 6. место во пласманот од МХ2 класата. Илиоски падна на деветтото место со 38 освоени бодови од Гевгелија минатата недела. Очекувано, во двете возења на „својата патека“ победи Георг Кабал (Романија) и со вкупно 83 бодови е водечки во оваа класа после два одржани натпревари.

Tomovski 2

Во најсилната класа МХ1 настапуваа и натпреварувачи кој се бодуваа и за Европскиот шампионат во отворената класа. Во ваква силна конкуренција, нашиот Гоце Томовски успеа да биде 12. на квалификациите. Во првата трка тој заврши на 10. место, а во втората беше 9. Победник во двете трки беше Евгени Телецки од Белорусија. Томовски останува на третото место во генералниот пласман со 63 бодови, додека сеуште водечки е Николај Јовчев од Бугарија со 90 бодови.

Следниот натпревар од отворениот Источно-Европскиот шампионат ќе се одржи во Хасково, Бугарија на 27 мај.

Извор: „МФМ“

comments

Би можело да ве интересира

Вицешампионот за сезоната 2017 во MotoGP шампионатот, Андреа Довициозо, вели дека мора да ги согледа позитивните работи како од трката која се возеше во неделата така и од неверојатно успешната сезона за него и за Ducati.

Иако е навистина невообичаен мотоцикл, сепак Moto Guzzi Stelvio има свои следбеници. Кога исчезна од линијата на Moto Guzzi, тој им недостасуваше на многумина.

Ако мислевте дека Honda CB1000R 2018 е добар мотоцикл, тогаш имаме интересна вест за вас. Honda Motor Europe на EICMA мото шоуто во Милано дебитираше со два мотоцикли: Honda CB125R и Honda CB300R.

Без никакво сомневање, Ducati Panigale V4 супербајк е најинтересниот мотоцикл објавен оваа година. Ова не е само наше мислење бидејќи тој беше официјално прогласен за крал на EICMA шоуто.

Honda ја прошири својата Africa Twin линија со уште еден модел. 2018 CRF1000L2 Adventure Sports беше претставен за време на EICMA мото шоуто, а заедно со него беше претставена и една посилна верзија на моделот.

Motul презентираше ново масло наменето за тркање, 300V²  10W-50, на најголемото мото шоу кое се одржа во Милано, EICMA.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!