MK мотоциклисти на меѓународни трки

Македонските кросисти газат на меѓународните трки

Христијан Илиоски со пехар од Романија, а Христијан Станковиќ со пехар од Грција го заокружија богатиот мотокрос викенд.

Следете нè на:

 

Македонскиот мотокрос возач Христијан Илиоски со нов подиум се врати од трка во БМУ Европскиот шампионат во мотокрос, откако во Романија беше второпласиран во трка во која максимално се бореше за победата.

„Имав лош пад во Грција на претходната трка и собрав сили по падот и го средив моторот за да настапам на оваа трка во Романија. Практично без тренинг отпатував во Романија и задоволен сум со второто место. Работам да ја вратам формата, но тоа воопшто не е лесно во овие услови“, рече Илиоски.

Христијан Илиоски

Младиот битолчанец веќе еднаш беше меѓу најдобрите на Источноевропскиот шампионат, откако ја освои вицешампионската титула пред две години.

Освен трката во Романија, викендов Македонија имаше свој претставник и на трка во Грција. Христијан Станковиќ овој викенд на мотокрос трката во Превеза, Грција го освои третото место. Ендуро Тим Водно од Скопје продолжува со одлични резултати на меѓународна сцена.

Само со еден тренинг на стазата, Станковиќ успеа да биде прв на двата старта и ја водеше трката неколку круга. Со оглед на тоа што првпат настапува на оваа патека непознавањето си го направи своето и по голема борба тој стигна до третата позиција.

Христијан Станковиќ

Со ова младиот Станковиќ стигна до место на подиумот и значајно искуство пред понатамошните трки во кариерата. 

Во генералниот пласман во класата МХ1 Христијан Илиоски се наоѓа на третата позиција со ист број на бодови (80) како второпласираниот Тони Цветков од Бугарија. На табелата првопласиран е романецот Адриан Радута. Во оваа класа на 5-та позиција се наоѓа нашиот Гоце Томовски, а Васко Киров е на 9-та позиција. Михаил Бајовски за жал до сега не забележа бодови и се наоѓа на 21-та позиција.

Гоце Томовски

Во класата МХ2 Јуниор, Христијан Станковиќ се наоѓа на 13-та позиција, а во МХ2 каде што исто така се бодува се наоѓа на 24-та позиција, две места погоре од нашиот втор натпреварувач во оваа класа, Алберто Видевски.

Во класата МХ Ветерани се натпреварува Борче Костов кој по две рунди во конкуренција на 39 возачи се наоѓа на 9-та позиција. Костов се бодува и во МХ класата во која во генералниот пласман се наоѓа на 19-та позиција.

Борче Костов

Во екипна конкуренција од 7 земји Македонија се наоѓа на 4-та позиција со 92 поени, зад Бугарија, Романија и Грција, а пред Молдавија, Турција и Србија.

Би можело да ве интересира

Неофицијална листа на возачи кои ќе бидат дел од електричниот FIM MotoE Светски Шампионат

„Поранешниот MotoGP возач Сет Жиберно после десет години ќе се врати од пензија и со Pons Racing ќе биде дел од MotoE серијата“

„Директорот на Yamaha во интервју за Crash.net изјави дека и покрај неодамнешните резултати, нема подобрувања во тимот. Најави и промени во екипата“

„Се чини дека 790 Adventure R ќе биде навистина моќно оф роуд оружје“

„Honda CB500F доби неколку промени кои го прават овој мотоцикл многу поатрактивен“

За време на оддржувањето на мото шоуто EICMA 2018 во Милано, MV Agusta претстави концепт на нов  Superveloce 800 модел. Италијанскиот производител вели дека оваа верзија ќе се најде во производство во втората половина на 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.