MK мотоциклисти на меѓународни трки

Ивчески и Бузалковски викендов ќе настапат на 4-та рунда од Балканскиот шампионат

Викендов на патеката Долна Митрополија во Плевен - Бугарија, се вози четвртата рунда од Балканскиот шампионат во брзински мотоциклизам.

Следете нè на:

 

Викендов на патеката Долна Митрополија во Плевен - Бугарија, се вози четвртата рунда од Балканскиот шампионат во брзински мотоциклизам.

МФМ на оваа трка ќе има само двајца претставници, во класата F1000 ќе настапи Слободан Ивчески - Цобо (МК Сакамото), а во класата SP125 ќе го проследиме Христијан Бузалковски - Бузо (МК Мотори).

slobodan ivceski coboСлободан Ивчески - Цобо (МК Сакамото)

Ивчески прикажа одлично возење на изминатите две рунди во Серес, откако претходно не се покажа во најдобро светло во Плевен. За Цобо првата трка од сезоната почна добро но не заврши според очекуваното, тој успеа да дојде до 9-то место на трката во Бугарија, но затоа пак на двете трки во Грција покажа дека можеме да очекуваме и пехар од него во иднина. 

Младиот Бузалковски од друга страна се очекува да ги надмине техничките проблеми кои ги имаше во Грција и во Бугарија да го видиме во вистинското светло. Неговата рака по повредата сеуште не е 100% заздравена но како и досега сигурни сме дека тој ќе го даде максимумот. Иако ова не е сезоната која ја посакуваше, возачот на МК Мотори со желбата и упорноста покажува дека е вистински млад спортист на кој му претстои одлична иднина во мото спортот.

buzalkovski seres 1Христијан Бузалковски - Бузо (МК Мотори)

Во недела трката во класата 125 започнува во 12:55 по локално бугарско време, додека пак трката во класата F1000 започнува во 14:15 часот.

По рундата во Плевен трките продолжуваат веќе следниот викенд на патеката Аданката во Романија, па потоа возачите ги очекува трката во Серес на 9/10-ти јули пред последните две трки кои треба да се возат во октомври и ноември.

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!