25
Вто, Јул
MK мотоциклисти на меѓународни трки

Мотокрос: Илиоски трет на Европско!!!

Нашиот најдобар кросист Христијан Илиоски - Кико на трката од отворениот Европски шампионат во мотокрос која викендов се возеше на патеката Глобаре во Србија го освои третото место.

Следете нè на:

 

На пеколното време во Крушевац Македонија имаше 7 претставнци на трките од Балксанскиот и Европскиот шампионат. Патеката Глобаре беше одлично подготвена да ги нагости најдобрите возачи од регионот но и возачите од отворениот Европски шампионат. Големата конкуренција беше мотив за нашите возачи да се прикажат во најдобро светло.

Во најсилната класа МХ1 МФМа имаше двајца претставници, Христијан Илиоски (МК Пелистер) и Гоце Томовски (МК Гого).

ilioski 3 eec globareИлиоски трет на Европско! (фото: архива)

Христијан Илиоски (МК Пелистер) прикажа одлично возење и забележа две втори места на трките од Балканскиот шампионат во чиј генерален пласман тој е на втората позиција. Заради распоредот на трките нашите возачи не беа во можност да ги возат двете трки од Балканскиот шампионат и двете од Европскиот, па затоа се одлучија да ја возат само втората од Европскиот шампионат. Илиоски забележа неверојатен резултат за Македонија освојувајќи го третото место во Европска конкуренција

Гоце Томовски (МК Гого) прикажа неверојатно возење и покажа дека ќе гледаме уште многу успешни трки од него. Тој на двете трки од Балканскиот шампионат заврши на четвртата позиција, оставајќи зад себе многу возачи кои до сега сме ги гледале во борба за пиедесталот. Томовски стартуваше на втората трка од Европскиот шампионат но заради судар со еден од возачите беше приморан да ја прекине трката.

Фантастично возење на Гоце Томовски (МК Гого)

Во класата МХ2 (МХ2 Јуниор) младиот Христијан Станкович (МК Мотостарс), извозе фантастична втора трка откако не заврши на првата. Заради проблеми со моторот неизвесен беше неговиот настап на втората трка, но благодарение на спортскиот дух тој го позајми моторот од српскиот возач Младен Станојевич и со него го освои 9-то место во МХ2 јуниот односно 12-то во МХ2. Во оваа класа настапи и Ангел Ристов (МК Ноќни Волци) кој заврши на 16-та позиција во МХ2 Јуниор и 22-ри во МХ2.

hristijan stankovic motokros prilep 2014Станкович одлично ја извозе втората трка во Глобаре (фото: архива)

Во класата МХ и МХ Ветерани имавме тројца претставници. Јован Стојков (МК Мотостарс) во класата МХ на првата трка забележа одлична 9-та позиција, а за жал втората трка не ја заврши. Борче Костов (МК Ноќни Волци) прокнижа нови 17 бода на своето конто откако завши на 11-та позиција на првата трка во класата МХ Ветерани, а на втората беше 13-ти. Големата конкуренција и големиот број на возачи не им овозможи на нашите претставници да се прикажат во вистинско светло но во вакви услови и самото завршување на трката претставува голем успех. Петрос Танусис (Грција) кој настапува со наша лиценца

Костов со нови 17 бода на трките од Балканскиот шампионат

Борче Костов настапи на трките од Балканскиот шампионат, во класата МХ Ветерани на првата трка заврши на 11-та позиција, а на втората 12-ти. Нови 17 бода. Во класата МХ настапија и Јован Стојков кој во првата трка заврши на 9-ти, а втората за жал не ја заврши. Петрос Танусис (МК Ноќни Волци) кој настапува со наша лиценца на првата трка во класата МХ Ветерани заврши на 8-та позиција, а на втората беше 6-ти.

Одличниот викенд кој е зад нас нека биде мотив за уште поголеми успеси во иднина. Следува летната пауза по која трките продолжуваат на 17-18 септември на патеката Самоков во Бугарија.

comments

Би можело да ве интересира

Макпетрол во својот салон за Хонда во Скопје го изложи новиот Honda MSX125 2017

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!