23
Нед, Јул
MK мотоциклисти на меѓународни трки

ИЕШ: Пехар за Кико во Грција

На првата трка од Источно Европскиот шампионат во мотокрос нашиот натпреварувач Христијан Илиоски го освои третото место.

Следете нè на:

 

serres-mx-205Трето место на Источно Европскиот шампионат во Мотокрос за Илиоски

На првата трка од Источно Европскиот шампионат во мотокрос нашиот натпреварувач Христијан Илиоски го освои третото место.

Викендов патеката Серес во Грција беше домаќин на првата трка од Источно Европскиот шампионат на која настапија 75 возачи поделени во 5 класи: MX1, MX2, MX, MX65 и MX85.

МФМ беше претставувана од 7 возачи од кои 5 Македонци, еден Грк и еден Црногорец. Немавме претставник единствено во класата МХ65, но затоа пак во МХ85 го имавме фантастичниот Андријан Ристески кој едноставно немаш среќа овој викенд. Андријан не ја заврши првата трка заради скинат ланец, а на втората по само неколку кругови кога беше на петтата позиција и атакуваше на четвртата неговиот мотор едноставно запре. Навистина штета за него, но не треба да се обесхрабрува бидејќи од она што имавме прилика да го видиме, со сигурност можеме да кажеме дека пред него е светла иднина и очекуваме големи резултати веќе од следната трка.

serres-mx-13Ристески со фантастично возење но без среќа овој викенд

Резултати:

Во класата МХ (МХ3) Македонија имаше двајца претставници, Борче Костов - Жолт и Гркот Петрос Танусис кој настапи со наша лиценца. Во класата на ветераните Костов финишираше на петтата позиција, а Танусис вкупно беше петти што претставува одличен резултат.

serres-mx-138Петрос Танусис вкупно шести во класата МХ

serres-mx-135Борче Костов петти кај ветераните

Резултати:

 Во класата МХ2 имавме двајца претставници, нашиот Христијан Станкович и Црногорецот Виктор Иванович. Станкович заврши на 14-та позиција (од 18 возачи во класата), но она што е важно е искуството кое тој го собира од трка на која присуствуваат врвни возачи додека за него ова е прва трка во оваа класа на меѓународен план.

serres-mx-187Станкович ги заврши двете трки на првиот меѓународен настап во новата класа

Вториот претставник на МФМ, Виктор Иванович имаше одличен настап во јаката конкуренција освојувајќи го петтото место на втората трка во МХ2. Младиот Иванович покажа одлични вештини, а неговото возење е значително подобрено од она што го видовме минатата сезона.

serres-mx-151Иванович со одличен успех во Серес

Резултати

Во најсилната класа МХ1 видовме одлична борба и најава од нашиот Христијан Илиоски дека оваа сезона ќе атакува на првите позиции. Нашиот Гоце Томовски возеше под своите можности во првата трка и притоа го освои деветото место, додека пак на втората трка заради проблеми со моторот кој изгаси пред самиот старт на трката тој започна од последната позиција за на крајот да финишира на осмото место. Сепак Томовски покажа одлично возење на втората трка и притоа беше очигледно дека е во одлична физичка подготвеност бидејќи најбрзите времиња ги забележа на последните кругови кога сите други возачи го намалија темпото.

serres-mx-172Гоце Томовски прикажа одлична физичка подготвеност

 Нашиот најдобар натпреварувач Христијан Илиоски на најдобар можен начин се врати на меѓународната сцена. Првата трка од шампионатот ја заврши на третата позиција притоа освојувајќи нов пехар. Кико на квалификациите во саботата забележа најдобро време кое беше за 0,7 делови од секундата подобро од она на второпласираниот Тотев Тодор од Бугарија, но на првата трка токму Тотев беше човекот кој изби на чело на колоната и до крајот не ја испушти победата од рацете. Во втората трка првото место му припадна на Романецот Адриан Радута кој извозе одлична трка. Илиоски на втората трка возеше на третата позиција притоа успеа да му се доближи на само една секунда од второпласираниот Тотев но недоволните подготовки си го направија своети и Илиоски остана на третата позиција.

Илиоски настапи на оваа трка без подготовки како што тоа го имаат другите возачи со кои тој се бори за челните позиции, финансиите се како и секојпат главен проблем па се надеваме дека конечно оваа сезона Кико ќе најде достоен спонзор кој ќе го помогне неговиот успех на меѓународен план.

serres-mx-174Трето место за Кико на ИЕШ!

Резултати:

Да потсетиме дека Кико ги има титулите од Источно Европскиот шампионат во класите МХ2 и МХ2 - јуниор, беше балкански шампион во класата МХ85 и стана првиот македонец кој донел бод од Светкиот шампионат во мотокрос. Се надеваме дека на листата на успеси оваа сезона Илиоски ќе ја впише и шампионската титула во класата МХ1.

 Целата галерија од трките можете да ја најдете во делот „Слики“ на Мотори.ком.мк

 

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!