MK мотоциклисти на меѓународни трки

Брзински мотоциклизам: Тројца Македонци на трка во Романија

Петтата рунда од Источно Европскиот шампионат во брзински мотоциклизам викендов се вози на патеката „Motor Park România“ во Романија, а на неа ќе учествуваат тројца претставници од Македонија.

Следете нè на:

 

Тројца натпреварувачи од Македонија ќе отпатуваат во Романија

Петтата рунда од Источно Европскиот шампионат во брзински мотоциклизам викендов се вози на патеката „Motor Park România“ во Романија, а на неа ќе учествуваат тројца претставници од Македонија.

Во класата SP125 ќе настапат возачите Аргетим Рамадани и Христијан Бузалковски, додека пак во класата F1000 ќе настапи ветеранот на македонскиот мотоциклизам Сашо Николов - Тумац. Добра вест е тоа што благодарение на успесите повторно може да се забележи по некој спонзор за нашите возачи, колку и да изгледа тоа симболично, сепак за нив е голема работа. Христијан Бузалковски доби сет гуми како поддршка од својот клуб (МК Мотори), додека пак Тумац ќе вози со нови гуми благодарение на Ленин Јовановски, претседателот на клубот Ноќни Волци за кои настапува Николов.

hristijan buzalkovski race serresХристијан Бузалковски (МК Мотори)

Интересна ќе биде борбата во класата SP125 помеѓу двајцата возачи на мото клубот Мотори. На Аргетим Рамадани веќе му е познато искачувањето на највисокото место на пиедесталот откако забележи победа во Грција, но Бузалковски настапи на минатата трка во Бугарија на која Рамадани не отпатува па разликата помеѓу нив двајца е минимална. Во генералниот пласман сега Бузалковски е на четвртата позиција, со само 2 бода заостанување зад Аргетим Рамадани.

argetim ramadani raceАргетим Рамадани (МК Мотори)

Новата Романска патека се наоѓа на 680км од Скопје, но тоа нема да биде пречка за нашите возачи да ја имаат поддршката од своите најблиски, фановите како и од претставниците на МФМА. Според програмата во класата SP125 трката во недела започнува во 13.15 часот, а трката во класата F1000 започнува во 16.15 часот.

По трката во Романија до крајот на шампионатот е предвидена само уште една трка која треба да се вози на патеката Плевен во Бугарија на 20-ти септември. Момци, среќно!

Би можело да ве интересира

We, The Riders - Ние возачите, сме возачи од целиот свет. Имаме различни професии и изгледаме различно. Но имаме едно нешто кое не обединува:  Радоста додека возиме.

Скот Рединг се извини за забелешките кои ги упати кон Aprilia по завршувањето на Австриската Гран При трка, а во кои зборуваше за недостатокот од развој и прогрес на RS-GP машината.

Можеби изгледа како застрашувачка визија за иднината, но роботот на Акрапович му овозможува на Словенечкиот специјалист за издуви да ги тестира своите производи на еден високо технолошки начин.

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!