MK мотоциклисти на меѓународни трки

Балкански шампионат: Ивчески и Бузалковски патуваат за Серез

Викендов на патеката Серез во Грција се вози пред последната трка од Балканскиот шампионат во брзински мотоциклизам.

Следете нè на:

 

Викендов на патеката Серез во Грција се вози пред последната трка од Балканскиот шампионат во брзински мотоциклизам. Македонија ќе има двајца претставници, во класата SP125 ќе не претставува Христијан Бузалковски, а во класата F1000 Слободан Ивчески.

Христијан Бузалковски (МК Мотори) со нова боја на мотоциклот и заздравена рака се враќа на Серез, иако за него сезоната е далеку од посакуваната по сите пехови и лоша спортска среќа се надеваме дека конечно ќе го видиме во вистинско светло. Од досегашните 6 трки тој настапи на 4, а зема бодови само на 2, па во моментов се наоѓа на дванаесетата позиција во генералниот пласман. Иако е далеку од борба за првите позиции во генералниот пласман, тој сигурно ќе атакува на пиедесталот на трката во Грција. Во настапот ќе му помогне и новиот спонзор Мотул кој од сега ќе биде задолжен за Априлијата на Бузалковски да работи беспрекорно.

Христијан Бузалковски - Бузо (МК Мотори)

Слободан Ивчески (МК Сакамото) ќе продолжи со успешниот настап на Балканскиот шампионат. Цобо во генералниот пласман се наоѓа на петтата позиција со 69 поени. Пред него на четвртата позиција се наоѓа Гај Харел од Израел кој вози за Романија и има 74 поени, а на третата позиција се наоѓа Калојан Ангелов со 77 поени. Разликата до посакуваното 3 место за Ивчески е само 8 поени, кои може да ги надополни доколку продолжи со одличните настапи како и до сега. Ивчески се пронајде со својата Хонда во новата класа и покажа дека може да постигне многу. Како и секогаш потребни се спонзори кои ќе му овозможат да го покаже целиот свој потенцијал и да се бори за пиедесталот на секоја трка.

Слободан Ивчески - Цобо (МК Сакамото)

Благодарение на настапите на нашите возачи по 6 рунди во Балканскиот шампионат во брзински мотоциклизам Македонија во екипна конкуренција во Тим А се наоѓа на петтата позиција, додека пак во Тим Б во моментов сме на втората позиција. По трката во Серез до крајот преостанува само уште една трка која се вози на патеката Плевен во Бугарија. 

На нашите натпреварувачи им посакуваме многу среќа и се надеваме дека од Грција ќе ни се вратат со пехари. 

Момци среќно!

Би можело да ве интересира

We, The Riders - Ние возачите, сме возачи од целиот свет. Имаме различни професии и изгледаме различно. Но имаме едно нешто кое не обединува:  Радоста додека возиме.

Скот Рединг се извини за забелешките кои ги упати кон Aprilia по завршувањето на Австриската Гран При трка, а во кои зборуваше за недостатокот од развој и прогрес на RS-GP машината.

Можеби изгледа како застрашувачка визија за иднината, но роботот на Акрапович му овозможува на Словенечкиот специјалист за издуви да ги тестира своите производи на еден високо технолошки начин.

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!