MK мотоциклисти на меѓународни трки

Успешен мотокрос викенд за македонските натпреварувачи! Победа на Лука Ристевски

Македонските натпреварувачи, претставници на Мотоциклистичка федерација на Македонија (МФМ)

Следете нè на:

 

Македонските натпреварувачи, претставници на Мотоциклистичка федерација на Македонија (МФМ) имаа одлични настапи на меѓународните мотокрос натпревари кои се одржаа на 28 април во рамките на отворениот Шампионат на Србија, односно Грција.

luka-risteski-motori

На третиот натпревар од отворениот Шампионат на Србија во мотокрос кој се одржа на патеката Горњи Брестовац крај Лесковац настапија браќата Ристевски. Помладиот Лука го повтори успехот од минатата недела и повторно убедливо победи во класата МХ65. Постариот Андријан исто така освои место на подиумот, завршувајќи ги двете возења како втор зад победникот Виктор Ивановиќ од Црна Гора.

Двајца други наши претставници учествуваа на натпревар од отворениот Шампионат на Грција во мотокрос на патеката крај Кожани. 12-годишниот Христиан Станковиќ настапи во класата МХ85 и после две неизвесни возења заврши на 3-то место зад домашните натпреварувачи Димитрис Турацидис и Агелос Вогиацис. Во првото возење Станковиќ одлично стартуваше и беше во водство, но поради пад до третиот круг изгуби десеттина секунди и до крајот успеа само да се пробие на третото место. Во второто возење, тој водеше голема борба со Вогиацис, но сепак во целта мина само 1 секунда зад грчкиот соперник и повторно беше трет. Во најсилната класа МХ1 искусниот Гоце Томовски во првото возење го освои четвртото место, зад Јоанис Турацидис, Димитрис Баксеванис и Александрос Георгантас. Сепак Томовски во второто возење ги издржа сите напади од Георгантас, заврши како трет што му беше доволно да  освои место на подиумот зад Турацидис и Баксеванис.

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!