28
Пет, Апр
Корисни текстови

Зошто муабетот „ќе купам јак мотор, ама нема да возам брзо“ е голема глупост

Ќе си речат, „Ќе бидам добро на 600/750/1000 бидејќи ќе ја почитувам гаста и мотоциклот ќе се движи оноклу брзо колку што ќе му дозволам.“ Глупости.

Следете нè на:

 

Постојано ја слушаме оваа фраза, особено кога некој планира да го купи својот прв мотоцикл и не сака да слушне совет од поискусен возач.

Ќе си речат, „Ќе бидам добро на 600/750/1000 бидејќи ќе ја почитувам гаста и мотоциклот ќе се движи оноклу брзо колку што ќе му дозволам.“

Глупости.

Најголемиот одлучувачки фактор кога планирате да купите нов мотоцикл е што ќе се случи кога ќе направите грешка. Грешка која сигурно и ќе ја направите. Ваквите грешки на мотоцикл на кој воопшто и не треба да бидете на прво место, ќе предизвика големи проблеми за вас, а веројатно и за луѓето околу вас.

Why dont start on 600ccГолем мотор, големи проблеми

Да ви дадам неколку примери:

1. Се сеќавам во 2009 година бев лидер на едно групно возење. Ни се приклучи нов возач и ни кажа дека ќе остане на крајот на колоната. Рече дека ќе возел бавно и ќе го почитувал мотоциклот. Возеше нов Kawasaki ZX-10R. Го стори тоа што го кажа, беше бавен и мислеше дека го почитува мотоциклот. Но, удри во дупка. Испаничи и силно притисна на гаста, а задната гума почна силно да се врти. Не знаеше што да прави и ја затвори гаста, во моментот кога гумата престана да пролизгува го катапултираше од моторот и тој се удри во дрво. Да возеше послаб мотоцикл, задната гума немаше да му го направи тој проблем. Да беше поискусен, ќе знаеше дека не треба да ја затвори гаста. Така заврши во болница, а и го уништи мотоциклот.

2. Возев со еден помлад возач и му помагав да научи правилно да вози. Возеше K6 750. Се движевме со брзина од 50-на км/ч. Мислеше дека вози во трета брзина, а всушност тој возеше во втора. Притисна на менувачот и наместо во втора, тој смени во прва брзина и го исправи мотоциклот на едно тркало. Го фати паника и ја остави гаста отворена. На себе носеше само тенка јакна и фармерки. Мотоциклот се преврте преку него и заедно паднаа на асфалтот. Голем дел од мотоциклот се скрши и го испрска со врело масло. Всушност, тој беше цел во масло, се лизгаше по асфалтот, а мотоциклот беше врз него. Никогаш немам слушнато возрасен човек толку да вриска и да плаче. Мотоциклот беше комплетно уништен.

Ова се само два примери. Има уште многу, но не сакам сега да ги кажувам.

Само се надевам дека фразата „ќе го почитувам мотоциклот“ ќе исчезне. Не можеш доволно да го почитуваш мотоциклот за да не направиш грешка. Тоа важи за сите, вклучувајќи ме и мене. Од нашето искуство зависи како ќе се справиме кога ќе се случат таквите незгоди.

Започнете со нешто помало. Не брзајте.

Се надевам дека ова ви помогна. 

comments

Би можело да ве интересира

Џон МекГинис и Гај Мартин дебитираа во боите на 2017 Honda Racing, тимот за кој ќе настапат на овогодинешните North West 200 и Isle of Man TT.

Компанијата за производство на сопирачки, Brembo, пушти на пазарот нов радијален цилиндер кој има висока спецификација и технологија која поткнува од MotoGP.

Попладнево имавме можност да разговараме со Лоренцо во однос на предизвиците со кои се соочува по преминот од Yamaha во Ducati како и развојот на новата MotoGP машина.

Стартувајќи од денеска, Англија го промени системот на казни за брзо возење, што во превод би значело дека прекршителите би можеле да добијат казна од речиси 150 % од нивната неделна заработка.

Возачот на Movistar Yamaha, Маверик Вињалес вели дека се уште не знае која е причината за падот кој го спречи да се бори за третата победа по ред на трката во Тексас.

Тимот на Reale Avintia Ducati потврди дека го продолжил договорот со Италијанскиот производител и дека наредната сезона нивните возачи, Хектор Барбера и Лорис Баз, ќе настапат со GP17 машината. Со овој мотоцикл оваа година настапуваат Хорхе Лоренцо и Андреа Довициозо.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!