Корисни текстови

Совети за совозачи

thumb_1831Возење со моторцикл како совозач е одлична прилика за запознавање на начинот на кој се движи и управува моторциклот. При едно нормално возење на моторцикл како совозач, доколку малку повеќе посветите внимание на тоа што се прави возачот може да научите многу, не само за управувањето на моторот туку и за вашата безбедност.

Следете нè на:

 

Пред да се качите на мотор, има неколку работи кои треба да ги знаетеПред да се качите на мотор, има неколку работи кои треба да ги знаете

Возење со моторцикл како совозач е одлична прилика за запознавање на начинот на кој се движи и управува моторциклот. При едно нормално возење на моторцикл како совозач, доколку малку повеќе посветите внимание на тоа што се прави возачот може да научите многу, не само за управувањето на моторот туку и за вашата безбедност.

Како совозач ќе научите за начинот на управување со моторциклот кој е сосема различен од автомобил, односот на моторциклот, неговите команди и др. работи кои со малку повеќе желба и внимание убаво се учат, а со тек на време и усовршуваат. Следуваат неколку корисни совети за совозачите, особено оние без големо искуство. Пред се и најважно, секогаш имајте во предвид со КОГО се качувате на моторцикл.

Колку и да е кратко возењето, не се качувајте на мотор без заштитна опремаКолку и да е кратко возењето, не се качувајте на мотор без заштитна опрема

Запрашајте се колку е искусен тој возач? Размислете дали е подготвен да качи уште еден човек зад него, бидејќи возењето на сопатник сосема го променува однесувањето на моторциклот. Колку поголема тежина толку потешко се управува моторциклот, поголема му е должината на запирање и др. Возачот е должен да знае како се однесува неговиот моторцикл кога има патник позади него, а верувајте не би сакале првото такво искуство да го сподели со вас. Значи секогаш внимавајте за ваша безбедност, возете се со возачи кои имаат доволно искуство да ве возат вас. Еден нормален возач за да бидете подотвен за возење на уште еден патник на подолга релација потребно му е една до две години ускуство на еден ИСТ моторцикл.

Правилна поставеност на совозачотПравилна поставеност на совозачот

Пред да седнете на моторциклот, бидете сигурни дека имате целосна заштитна опрема на вас. Сериозните и искусни возачи го сваќаат ризикот и обврската при возење на уште патник, па затоа секогаш имаат резервна опрема за вакви случаи. Заштитната опрема добро знаеме од што се состои: Кацига, јакна, долги панталони, ракавици, појас и др. запомнете заштитната опрема не ја носите заради мода или добар излед, туку за да ве заштити. Токму затоа се вика заштитна опрема. Со соодветната опрема вие на себе имате еден екстра слој, кој може многу да ве заштити од контакт помеѓу вашата кожа и асфалтот, а верувајте дека нејќете да го почуствувате тоа.


Доколку прв пат седнувате како совозач на моторцикл, разговарајте со возачот и дајте му до знаење дека прв пат се возите на мотор. Слободно кажете му колку може да бидете добри како совозач, не срамете се.... нема ништо страшно, само ќе избегнете и спасите од ситуација во која не би сакале да се најдете. При разговорот возачот убаво би требало да ви објасни за управувањето со моторциклот дека тоа оди со целосното тело, односно како оди возачот така и вие да го пратите. Потоа возачот сигурно ќе ве упати кое е најзогдно место за поставување на рацете, во зависност од моторциклот.

Навалувајте се заедно со возачот, никогаш не го исправајте телотоНавалувајте се заедно со возачот, никогаш не го исправајте телото

Накусо, советите би изгледале вака:

- Никогаш не се качувајте на мотор без опрема;

- Во кривина не го исправајте телото спротивно од возачот, доколку тој се навалува во лево или десно, следете го. Колку и да изгледа страшно немојте да се исправате!;

- Викањето -"ПАЗИ!" на секои три метри само ќе му попречи во концентрацијата, смирете се и уживајте во возењето, тој што го вози моторот знае што прави;


- Штипење, кубење и заривање нокти во слабина за да закочи возачот е погрешен начин, едноставно кажете му дека не сакате брзо возење;


- Не се преместувајте и не правете нагли движења, ова посебно важи при поминување низ кривина бидејќи движењето на вашето тело може да го исфрли возачот од рамнотежа и да паднете;


- Не го предизвикувајте возачот, барањето да вози побрзо од она на што е навикнат најчесто завршува лошо за двајцата;


- Држете се за моторот онака како што ви покажал возачот, не експериментирајте во текот на возењето како е подобро;

- Пред да се качите или симнете од моторот, секогаш чекајте возачот да ви даде знак дека е во ред да го направите тоа. Никогаш не се качувајте или симнувајте без да го известите возачот!;

- Гледајте во патот, бидете подготвени да реагиратe според потребите на патот и зададената ситуација. Многу е полесно да се избегне несреќа доколку сте подготвени за тоа;

- Внимавајте на ауспухот. Најчесто е поставен од десната страна на моторот па подобро е да се качите и симнете од левата страна, изгореница од ауспух изгледа навистина лошо, а болката е голема;

Уште еднаш ќе повториме да внимавате со кого се качувате, со колкаво искуство располага возачот и секако најважното, заштитната опрема. Пред да прифатите некој да ве вози секогаш имајте ги на ум овие едноставни совети кои можат да ви помогнат многу, па дури и да ви го спасат животот.

comments

Би можело да ве интересира

Pirelli ги претстави новите гуми, DIABLO ROSSO CORSA II.

FIM Гран При комисијата ги објави новите промени на правилата за MotoGP сезоната 2018.

Во надополнувањето на правилникот се наведува дека тимовите и производителите може да додаваат аеродинамични компоненти се додека тие ги задоволуваат правилата.  Со ваквата одлука, сега се отвора можноста производителите да ги нудат аеродинамичните крилца и на продукциските модели.

Силвиан Гинтоли пoтврди дека ќе се натпреварува следната сезона иако го загуби местото  во Светскиот и во Британскиот Супербајк шампионат.

Ивчески дојде до нај големиот успех во брзински мотоцклизам во Македонија откако ја освои титулата во БМУ Европскиот шампионат.

Бројот на денови кои можеме да ги поминеме на тркачката патека се намалува, новите машини за следната година веќе беа претставени, а дополнително, ни пристигнува и зимата. За мото индустријата, ова е слаб период од сезоната.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!