Корисни текстови

Подготовка на моторот за претстојната сезона

Доколку се одлучивте да правите пауза во зимскиот период, а притоа ги следевте нашите совети за чување на вашиот миленик на две тркала, еве што треба да направите за да продолжите со возење.

Следете нè на:

 

img 0133-copy1Задолжително направете проверка на мотоциклот пред првото возење

Доколку се одлучивте да правите пауза во зимскиот период, а притоа ги следевте нашите совети за чување на вашиот миленик на две тркала, еве што треба да направите за да продолжите со возење.

  1. Проверете дали акумулаторот е исправен, доколку ви бил оставен на активен полнач сигурно нема да имате проблеми, доколку сте го чувале на суво и топло место најверојатно ќе запали, а доколку сте го оставиле на самиот мотор, голема е веројатноста дека ќе имате проблем со првото палење.

  2. Направете инспекција на светлата и жмигавците, проверете ја инструмент таблата и уверете се дека сите мерачи функционираат правилно.

  3. За новата сезона добро е да го промените маслото во вашиот мотоцикл. Доколку го променивте маслото на крајот на минатата сезона, не треба да правите ништо, во спротивно време е да го направите тоа. Користете го оној бренд на масло кој вам ви одговара, а за градацијата прочитајте го корисничкото упатство за моторот. Верувајте им на инженерите од фабрика, доколку препорачуваат 10w40, користете такво, не дозволувајте да ве убедуваат дека 15w50 е подобро заради некоја причина. Некои производители на моторни масла на своите сајтови нудат опција за правилен избор на масло (линкот работи само во Internet Explorer) според брендот на мотоциклот кој го возите. Наш совет е и да не се врзувате за брендот на масло кое го користите, различните масла фунцкионираат различно кај секој производител на мотори, па така ако одреден бренд бил одличен за мотоциклот на вашиот пријател, не значи дека е идеален и за вашиот. При промената на маслото не заборавајте да го промените и филтерот за масло.

  4. Проверете ја истрошеноста на ѕвездите, како и самиот ланец. Доколку има потреба не се двоумете дали да ги промените, преносниот систем е важен дел од вашиот мотоцикл.

  5. Задолжително проверете ги гумите. Проверете ја шарата, размислете за промена на самите гуми доколку ги возите повеќе сезони или доколку имате поминато голем број на километри. Барајте било какво видливо оштетување, и не заборавајте да го проверите притисокот на гумите.

За крај, не заборавајте да проверите дали имате бензин во резервоарот, не би сакале првото возење во новата сезона всушност да биде туркање до најблиската бензиска станица :)

 

comments

Би можело да ве интересира

Покрај рекордната продажба во САД која ја објавија минатата недела, BMW соопшти дека успеале да го надминат и рекордот на компанијата на глобалнот пазар, откако во 2017 година успеаа да продадат 164.153 мотоцикли. 

И покрај намалената целокупна продажба на мотоцикли на пазарот, Ducati имаше раст во продажбата и поголеми бројки во 2017 година

Уште еден драматичен ден на релито Дакар. Поранешниот лидер во генералниот пласман, Адриен Ван Беверен мораше да биде евакуран од етапата после тешкиот судар кој го имаше на само 3 километри до целната линија.

Возачот на Јамаха Теч 3 тимот, Јонас Фолгер, преку својот менаџер денеска го извести тимот дека нема да настапува на овогодинешниот МотоГП шампионат.

Правилникот според кој техничкиот директор на MotoGP, Дени Олдриџ, одлучува во однос на легалноста на аеродинамичните крилца нема да се промени во 2018 година.

Ducati ги следи Франко Морбидели и Франческо Бањаиа, двајца од најпросперитетните Италијански возачи во моментов, како и Светскиот шампион во Moto3 Јоан Мир.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!