30
Нед, Апр
Корисни текстови

Под евтините шлемови згаснуваат скапи животи

Шлемовите се од кинеско потекло и имаат пластика што би се скршила и при најмал удар. Ова им го кажувам на сите мои муштерии, но речиси секој од нив го игнорира предупредувањето и купува евтин шлем од 300 денари само за да се оправда пред полицијата, вели Иван Т., продавач од скопската населба Волково

Следете нè на:

 

Шлемовите се од кинеско потекло и имаат пластика што би се скршила и при најмал удар. Ова им го кажувам на сите мои муштерии, но речиси секој од нив го игнорира предупредувањето и купува евтин шлем од 300 денари само за да се оправда пред полицијата, вели Иван Т., продавач од скопската населба Волково

squidНосењето кацига која не ги задоволува безбедносните стандарди е исто како и да не носите кацига

Мотоциклистите во земјава имаат највисок ризик од смртни повреди од сите други учесници во сообраќајот, а токму кај нив е забележан најголем недостиг на квалитетна заштитна опрема, сметаат државните експерти за сообраќај. Според нивните истражувања, најголем број загинати мотоциклисти се на возраст меѓу 25 и 34 години, а забележано е целосно отсуство или несоодветна заштитна опрема, која, ако била користена, сигурно би ги намалила трагичните несреќи. Во една продавница за детски играчки во општината Ѓорче Петров забележавме дека на полиците се изложени неколку шлемови за мотоциклисти, а се продаваат по цена од 300 денари. Го прашавме сопственикот зошто би се продавале шлемови во една ваква продавница, а тој ни одговори дека токму шлемовите имаат најголема побарувачка и најмногу се трошат, оти се законска обврска.

- Тоа се шлемови од кинеско потекло, а пластиката би се скршила при најмал удар. Ова им го кажувам на сите мои муштерии, но речиси секој од нив купува шлем само заради оправдување пред полицијата, а не заради својата безбедност - вели Иван Т. од скопската населба Волково. Исто така, за мислење прашавме и неколку моторџии, кои, секако, не се согласуваат со изборот на евтин и неквалитетен шлем.

- Ставањето шлем е за лична безбедност. Тој што е свесен за опасноста, ќе го прави тоа секогаш кога ќе се качи на мотор. Јас, на пример, честопати сакам да возам без шлем и да уживам во звукот на моторот, проследено со ветерот што ми удира во главата, но секогаш сум свесен за моето изложување на ризик - вели Илија Николовски, моторџија од населбата Влае, кој објаснува дека неговиот шлем е од марката „нолан“, што се смета за еден од подобрите брендови.

- Ако на главата ставите неквалитетен шлем, тоа значи дека воопшто не сте ставиле шлем. Наместо да ве заштити од евентуален удар или пад од мотор, тој може дополнително да предизвика повреди на главата - објаснува Николовски.

Според познавачите, еден квалитетен шлем треба да поседува школка со аеродинамичен дизајн, гумена облога поставена помеѓу штитникот за брадата и школката, која помага да се намали потенцијалната бучава предизвикана од ветер. Исто така, потребен е и систем за вентилација, кој се карактеризира со ефикасни воздушни проводи во внатрешната школка, создавајќи константна циркулација на воздухот во шлемот. Во Националната стратегија за сообраќај, која важи за периодот од 2015 до 2020 година, се вели дека бројот на продадени мотоцикли постојано расте, а во исто време постои несразмерен мал напредок во количеството на продадена опрема за пасивна безбедност.

- Во споредба со сите преостанати учесници во сообраќајот на патиштата, мотоциклистите се соочуваат со највисок ризик од смртоносни повреди и во исто време тие претставуваат голем ризик и за преостанатите учесници во сообраќајот. Најголем број загинати мотоциклисти ѝ припаѓаат на возрасната група од 25 до 34 години. Од сегашните искуства се покажуваа дека несоодветната брзина на возење и неупотребата на заштитна опрема се главна причина за трагични несреќи - пишува во стратегијата.

Во секој случај, носењето шлем е задолжително за сите возачи на скутери и мотори, па доколку пред извесно време имаше мал пропуст во законот, сега полицијата сигурно ќе ве казни ако шлемот го носите на кој било друг начин освен онака како што е наменет, на вашата глава. Носењето шлем е задолжително за возачите на велосипедисти со помошен мотор, мопеди и мотоцикли.

Извор: Нова Македонија 

comments

Би можело да ве интересира

Metzeler тврди дека Racetec RR се добри на сите услови. Овие гуми веќе се тестирани на Isle of Man, North West 200, Southern 100 и Ulster Grand Prix од возач како што е Гај Мартин.

Назначувањето на Микеле Колаинино се совпаѓа со преструктуирањето на асоцијацијата која ги именуваше својот претседател и потпретседател, а официјално ќе започнат со работа од 1-ви јули 2017 година.

Џон МекГинис и Гај Мартин дебитираа во боите на 2017 Honda Racing, тимот за кој ќе настапат на овогодинешните North West 200 и Isle of Man TT.

Компанијата за производство на сопирачки, Brembo, пушти на пазарот нов радијален цилиндер кој има висока спецификација и технологија која поткнува од MotoGP.

Попладнево имавме можност да разговараме со Лоренцо во однос на предизвиците со кои се соочува по преминот од Yamaha во Ducati како и развојот на новата MotoGP машина.

Стартувајќи од денеска, Англија го промени системот на казни за брзо возење, што во превод би значело дека прекршителите би можеле да добијат казна од речиси 150 % од нивната неделна заработка.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!