22
Саб, Јул
Корисни текстови

МС или МК?

thumb_sonsofanarchy_021Редовните посетители на порталов се сведоци на "војната" што се разгоре на форумот со поставувањето на прашањето околу обележјата на македонските МК мото клубови. Пораката која беше адресирана директно до засегнатите страни се чини дека ги заинтригира сите, па така за неколку денови темата со наслов "грбови" се рашири на 7-8 страни...

Следете нè на:

 

Редовните посетители на форумот се сведоци на "војната" што се разгоре на форумот со поставувањето на прашањето околу обележјата на македонските МК мото клубови. Пораката која беше адресирана директно до засегнатите страни се чини дека ги заинтригира сите, па така за неколку денови темата со наслов "грбови" се рашири на 7-8 страни. Бидејќи се измешаа баби и жаби, MC и MK, членови и нечленови, ќе се обидам да ги разјаснам работите. Најпрво би сакал на едноставен начин јасно да ја потенцирам разликата помеѓу MC и MK мото клуб.

MC мото клубовите функционираат како војска. Имаат строго определени правила според кои функционираат, и имаат структура според која членовите се вреднуваат. За да станете член на MC клуб е потребно многу повеќе од мотор и желба за членство. Членството во МС клуб сноси и одговорност. Кога јавно говори член на MC мото клуб, тој го изнесува ставот на целиот клуб, од друга страна па кога се закачате со член на MC клуб, се закачате со целиот клуб. Едноставно кажано МС клуб е на некој начин братство, во кое секој постојано работи за неговото подобрување. Во МС клуб не може да членуваат девојки. Боите на секој МС клуб се светост за членовите. Затоа и е толку тешко да се стаса до честа да се носи грб. За новајлија во МС клуб да добие право да носи грб на својот елек треба да поминат неколку години, период во кој пред членството треба да ја покаже и докаже лојалноста кон клубот и да ја заслужи довербата на останатите. Грбовите на МС клубовите се составени од три дела. Горен и долен натпис и амблем во средината. Сите три дела се визуелно одвоени еден од друг.

sonsofanarchy_021Sons of Anarchy е измислен клуб, дел од истоимената серија. Грбот е ставен како пример.

МК мото клубовите се многу по релаксирани во однос на структурата. Кај нив нема строго определени правила како кај МС клубовите. Во МК клубовите еднакво членуваат мажи и жени, а чести се и само женски МК клубови. МК клубовите често пати се базираат на одреден вид на мотори, или настани. Таков пример се туринг клубови, тркачки (спортски) клубови, стант клубови, атв.... За да се стане член на МК клуб најчесто е доволно да ги познавате членовите, да потполните пријава и да платите членарина. Членовите немаат секојдневни обврски кон клубот, едноставно, членуваат во клубот за да ја споделат пасијата која ја имаат со своите истомисленици. Друга битна разлика е што МК клубовите се членови на државните мото федерации или сојузи. Активно учествуваат во настаните кои ги организираат овие структури и генерално се отворени кон јавноста. Грбовите на МК мото клубовите се едноделни. Тоа значи дека грбот може да има дури и три дела (горен, долен натпис и амблем) но тие не треба да бидат одвоени. Под одвоени се подразбира визуелно да нема простор помеѓу натписот и амблемот, односно да лежат на една позадина

Patch6
Одговорноста на секој клуб е голема, пред се во очите на странците кои се повеќе не посетуваат. Она што за дел од нас е небитно, за нив значи многу, а бидејќи сите живееме на иста планета, логично би било да се потрудиме да ги следиме правилата.

Разликата во структурата и функционирањето на мото клубовите не значи дека едните или другите се правилни или погрешни. Нема појаки или послаби, нема добри и лоши. Има MC и MK мото клубови, два толку слични, а сепак различни светови. Одберете го вистинскиот за вас, бидете горди на изборот и достоинствено претставувајте го, со обележја карактеристични за вашиот тип на клуб.

Авторот е член на МК мото клуб.

Напомена: објаснувањата за МС и МК клубовите се дадени на ваков начин со цел неупатените полесно да ја разберат разликата помеѓу двата типа на клубови.

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!