Корисни текстови

Лево или десно: Која е вашата полоша страна?

Многу возачи засрамено ме имаат прашано едно тешко прашање:  Зошто им е потешко кога вртат десно или лево.  

Следете нè на:

 

Се чини дека многу возачи го имаат овој проблем, и тој е фрустрирачки. Замислете го само тоа чувство кога вртите, таа необјаснива анксиозност која нема никаква причина да се појави. Замислете да се плашите да вртите десно и да живеете во Небраска каде постојано треба да вртите десно за да се приклучите на автопатот. Или да сте тркач кој не може да сврти десно.

Оваа таканаречена „еднонасочна фобија“ - неможноста да свртите десно или лево, не претставува никаква мистериозна болест. Има многу причини поради кој еден возач може да го има овој проблем: Ментална блокада доколку сте имале пад на едната или на другата страна, конфузија при возењето или едноставно, многу малку возење мотоцикл. За среќа, има решение за овој проблем.

Се започнува со тоа да бидете добар сопатник на вашиот мотоцикл. Што прави добриот сопатник? Ништо, тие само седат и уживаат во возењето. Лошиот совозач го следи секое движење на мотоциклот, постојано е вкочанет кога мотоциклот се навалува. Како да го поправите ова кај вас?

Држењето цврсто за мотоциклот можеби ви изгледа инстинктивно, веројатно бидејќи со тоа оддржувате правилна положба на телото. Но колку поисправен седите, толку повеќе треба да се навалите кога влегувате во свиок. А тоа ви ја намалува контролата и ги зголемува можностите за пад.  Зошто да се мачите кога едноставно можете само да го следите мотоциклот. Со ова може дури и да ви биде подобро и да ја зголеми вашата самодоверба и контрола над мотоциклот. На овој начин постои и голема можност дека ќе го победите вашиот страв.

122 1306 01 troy bayliss 0Проблемот со „лошата“ лева или десна страна треба да го решите пред да ја посетите тркачката патека

Едноставни вежби на паркинг, ќе ви покажат многу за начинот на кој вртите.  Најдете некој слободен паркинг и почнете да вежбате. Дали возењето е напнато. Дали употребувате премногу сила наместо да се опуштите за мотоциклот без никаков проблем да го смени правецот на движење? Можеби ќе почувствувате и мала вкочанетост кај вас како се наближувате до максималниот агол на навалување. Генерално, вкочанетоста е честа појава кога возачот не е опуштен на мотоциклот.

Самостојното вежбање не е  доволно за да се реши овој проблем.  Бидејќи природно ни е да се движиме исправено, мислиме дека и со мотоциклот треба да се однесуваме на тој начин. Поради оваа причина, прашајте некој пријател да ве гледа додека вежбате. Или уште подобро, побарајте некој тренер. Сигурен сум дека тој веднаш ќе забележи каде правите грешки.

Размислете внимателно на вашата поврзаност со мотоциклот. Горниот дел од телото нека ви биде олабавен. Опуштете ги рамењата и спуштете ги лактите се додека тие не го допрат резервоарот за гориво. Седнете поназад неколку сантиметри и навалете ја главата малку надолу. Почнете да се чувствувате добро во таа позиција, спојте се со мотоциклот.  Вежбајте правилно вртење на некој паркинг, управувајте со воланот со притисокот во дланките, не ви требаат мускули за тоа. А при вртење, следете го природното движење на мотоциклот. Патем, ако припаѓате во оваа категорија на возачи, треба да сте среќни.  Некои возачи имаат двонасочна фобија. 

Автор: Кеит Код
Извор: motorcyclistonline.com

Би можело да ве интересира

Знаеме дека за сезоната 2019 BMW Motorrad планира да објави девет модели. Иако сè уште не се знае точно кои ќе бидат тие, сепак за некои можеме да претпоставиме.

Новиот мотоцикл на Honda, CB1000R, кој има цена од 13990 евра за обичната и 14990 евра за „FOP“ верзијата изгледа помалку чудно. Јапонската компанија го нарекува „Neo Sports Café“.

We, The Riders - Ние возачите, сме возачи од целиот свет. Имаме различни професии и изгледаме различно. Но имаме едно нешто кое не обединува:  Радоста додека возиме.

Скот Рединг се извини за забелешките кои ги упати кон Aprilia по завршувањето на Австриската Гран При трка, а во кои зборуваше за недостатокот од развој и прогрес на RS-GP машината.

Можеби изгледа како застрашувачка визија за иднината, но роботот на Акрапович му овозможува на Словенечкиот специјалист за издуви да ги тестира своите производи на еден високо технолошки начин.

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!