30
Вто, Мај
Корисни текстови

Купуваш половен мотор?

znak10.jpgРеши да купиш половен мотор? Еве десет работи кои треба да ги погледнеш пред да се одлучиш за купување.

Следете нè на:

 
Реши да купиш половен мотор? Еве десет работи на кои треба да погледнеш пред да помислиш на купување.

Мотор
zengine.jpg Доколку си во можност провери го маслото (дали е чисто или барем дали има доволно во моторот) и водата/антифризот. Доколку е можно провери го и филтерот за воздух. По ова, стартувај го мотор.. дали пали веднаш и дали работи мирно? Има чад од издувот? Провери дали со вртење на рачката за гас моторот соодветно ги качува вртежите. Има ли чудни звуци, тропање, зуење кое доаѓа од моторот? Дали кумплугот е лесен? Менувачот треба да кликне природно при менување на брзина (не заборавај дека многу мотори имаат електронска заштита која ќе го изгаси моторот доколку се обидеш да го ставиш во брзина кога е спуштен страничниот потпирач). Провери и дали има истечено масло на самиот мотор или траги од рѓа.

Гуми
zguma.jpg Дали се нови? Пристојни? Истрошени? Гумите се многу важен дел од моторот, па не би сакал да треба да одвоиш дополнителни 300-400€ откако ќе го купиш моторот. Погледни дали има мали пукнатини на страничните делови на гумата без разлика колку изгледаат нови. Уште една работа која мораш да ја провериш е датумот на производство. На страничните делови освен марката, моделот и димензиите на гумата, запишан е и датумот на производство кој најчесто започнува со "DOT" па четири бројки. Овие бројки ги означуваат неделата и годината на производство. Пример, "3407" значи дека гумата е произведена во 34-та недела во 2007-ма година. Гумите доколку се чуваат во соодветни услови можат да стојат и повеќе години без да загубат од перформансите, но ова важи само за нови гуми. Гума монтирана на мотор, без разлика на визуелната состојба треба да се смени на 2-3 години кај спортските мотори и 3-4 години кај туристичките. Доколку имаш финансиски можности, менувај ги гумите на максимум две години.

Кочници
zkocnici.jpg Провери ги плочките и види уште колку е останато од нив. Скоро сите имаат изрезбан индикатор кој покажува колку е потрошена плочката. Доколку индикаторот е на минимум, плочките треба да се заменат. Провери ги и самите дискови. Доколку на нив забележиш траги од гребење значи плочките биле толку истрошени што сопирачките клешти гребеле на дискот.

Управување
zracki.jpg Дали предниот дел заглавува во било која точка кога ги вртиш рачките лево-десно? Провери ги каблите, сајлите и истрошеноста на самите рачки, копчиња па и на инструмент таблата. Доколку има средишен потпирач (штендер) навали го моторот на задното тркало и провери дали има било каква луфта на предното тркало.
Провери ја амортизацијата, и провери го задниот дел од моторот.

Вилушки
zviluska.jpgДали семеринзите се во ред (има ли масло на самите вилушки)? Доколку не си сигурен, а моторот кој го гледаш е возен пред извесно време, ќе има прстен од масло и прљавштина на долниот дел од вилушката. Доколку моторот е чист, притисни ја предната кочница и стисни ги рачките надолу колку што можеш неколку пати по ред. Вилушката треба да остане целосно сува, а доколку има макар и мали траги од масло биди сигурен дека наскоро ќе имаш работа на неа. Исто така не заборавај да провериш дали вилушките се прави. Доколку имаат вдлабнатини, гребаници и слично моторот во најмала рака бил лизнат.

Изглед
zyamah.jpg Провери ги детално маските на моторот, не би сакал после еден месец да треба да ги носиш на крпење и фарбање. Доколку купуваш спортски мотор, погледни дали има странични протектори за рамот (frame sliders), доколку нема, барај каде се лепени пластиките. Мотор кој никогаш не паднал е оној кој стои во изложбен салон, нов.

Електроника
zzmig.jpg Провери ги светлата, жмигавците, сирената... долги/кратки светла, индикаторите на инструмент таблата, стоп светлот... провери се!

Резервоар
zrez.jpg Задолжително отвори го резервоарот и провери дали е чист внатрешно. Рѓосана внатрешност значи дека во најмала рака ќе треба често да го менуваш филтерот за бензин (читај непотребни нервози и одење пеш). Провери го и капачето на резервоарот, дали нормално се отвора и затвора? Лошо капаче за резервоар може да создаде вакум па моторот да не запали се додека не го отвориш и затвориш капачето повторно. Ништо страшно доколку знаеш дека е тоа проблемот, но лошо кога ќе те остави на среде пат без никој околу тебе.

Ланец
zchain.jpg Дали е затегнат или лабав ланецот? Повеќето мотори треба да имаат 1-2цм луфта кај централниот дел од ланецот. Провери и дали е сув или подмачкан. Провери ги ѕвездите, дали и колку се изедени? Истрошени или скршени запци на ѕвездата значи дека таа веднаш треба да се промени. Кај ланците индикатор за истрошеност се и гумичките на секоја алка од ланецот.

Дали ти одговара?
zfat.jpg Провери дали тој мотор е соодветен за тебе. Седни на него и осигурај се дека можеш да го држиш моторот стабилно. Возењето на моторот треба да биде уживање, доколку си премногу згрбавен, едвај ги дофаќаш рачките, или пак асфалтот го допираш само со прстите на ногата, побарај мотор кој ќе ти прилега и на кој со гордост ќе се возиш..


За крај не заборавај дека е најдобро да направиш тест возење. Повеќето сопственици нема да ти дозволат, но можеш да се нагодиш со нив. Понуди им да ги чуваат парите додека го пробуваш моторот, така сопственикот нема да се секира дали ќе паднеш. Во краен случај побарај да те повозат на моторот. Ќе осетиш дали мазно развива брзина, дали менувачот е тивок и дали кочниците функционираат како што треба.

Кога ќе одиш да го гледаш моторот, доколку не познаваш човек кој има искуство со мотори испечати го текстов, подобро да читаш пред да го купиш моторот, отколку потоа да читаш "10 работи кои треба да ги направиш за да го продадеш моторот".
comments

Би можело да ве интересира

Да бидеме искрени, силниот звук од издувот нема да ве спаси ако лицето кое управува со нов автомобил го пуштил звучиот систем најгласно и гледа на својот телефон додека вози. Но не грижете се бидејќи Bosch развива систем кој ќе ги предупредува возачите.

Џонатан Реа стави крај на доминантната серија која Том Сајкс ја имаше на Донингтон Парк. Откако падна на првата, тој успеа да оствари победа на втората трка.

Возачот на Movistar Yamaha, Валентино Роси, беше дел од една несреќа која се случи вчера за време на тренингот во Мондавио, Италија.

Откако настапи со вајлд карта за Moto3 тимот на Red Bull KTM Ajo на патеката во Ле Ман, Дени Кент ќе се врати во Moto2 за трката во Муџело. Англичанецот ќе биде замена за повредениот Икер Лекуона во тимот Garage Plus Interwetten.

Марк Маркез се најде на врвот на дводневниот приватен тест кој се оддржа на патеката во Каталуња, Барселона. Во пресрет на трката која е закажана за следниот месец на истата патека, можноста за тренинг ја искористија речиси половина од MotoGP тимовите.

Многу возачи често возат со преголема брзина на улиците кога пристигнуваат на Isle of Man па организаторите на настанот одлучија дека е време за нова безбедносна кампања.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!