20
Чет, Јул
Корисни текстови

Колку вредат нашите миленици?

thumb_42-15393742Сигурно досега барем еднаш сте се запрашале колку навистина вреди Вашиот миленик? Тоа е првото прашање кое само по себе се наметнува секогаш кога сакате да го продадете, замените со нов или некој друг половен мотор, да го искомпензирате и.т.н.

Следете нè на:

 

 

Cenite na motorite vo Makedonija se previsoki, koja e realnata vrednost?Цените на моторите кај нас се високи, која е реалната цена на Вашиот мотор?

Сигурно досега барем еднаш сте се запрашале колку навистина вреди Вашиот миленик? Тоа е првото прашање кое само по себе се наметнува секогаш кога сакате да го продадете, замените со нов или некој друг половен мотор, да го искомпензирате и.т.н. Како прво и основно што треба да знаете пред да почнете да ја проценувате вредноста на вашиот миленик е тоа дека предвидениот век на траење на мотоциклите и трициклите е 12 години.

Неговата вредност во однос на староста и поминатите километри е дадена во следнава табела.

Старост на моторот

(год)

Вредност на користените моторцикли (%)

Просечна (предвидена) годишна километража

До 50 кубика

Од 50 до 250 кубика

Над 250 кубика

1

82

2.000

3.500

5.000

2

69

4.000

7.000

10.000

3

60

6.000

10.500

15.000

4

51

8.000

14.000

20.000

5

44

10.000

17.500

25.000

6

38

12.000

21.000

30.000

7

33

14.000

24.500

35.000

8

28

16.000

28.000

40.000

9

24

18.000

31.500

45.000

10

22

20.000

35.000

50.000

11

21

22.000

38.500

55.000

12

20

24.000

42.000

60.000

Табела 1. Вредност на мотоциклите и трициклите во однос на староста и поминатите километри

Ова значи дека ако на пример сте го купиле вашиот миленик за 1000 евра, после истекот на првата година неговата вредност изнесува 820 евра, после две години уживање со него, неговата вредност ќе изнесува 690 евра, а кога Вашиот миленик ќе наполни три години, неговата вредност ќе биде 600 евра, на четвртиот роденден неговата вредност ќе биде намалена на 510 евра и.т.н. се до неговата 12 година кога неговата вредност ќе биде намалена за 80 % од неговата набавна цена и ќе изнесува 200 евра.

За мотоциклите и трициклите постари од предвиденот век на траење, т.е. доколку вашиот миленик не можете да го сместите во ниту една графа од погоренаведената табела, тогаш неговата вредност ќе ја намалите по 0.2 % за секој нареден месец од неговата експлоатација, но најмногу до 10%.

Оваа пресметка со сигурност можете да ја земете во обзир само ако вашиот миленик е технички исправен, неговата километража е во границите на предвидената годишна помината километража и доколку истиот се наоѓа во возна состојба.

Со цел за да добиете пореална слика за вистинската цена на Вашиот миленик, во следнава табела ќе бидат наведени нормативите на корекција, доколку Вашиот миленик има поминато повеќе или помалку километри од просечната (предвидена) годишна километража на негова експлоатација.

 

До 50 кубика

Од 50-250 кубика

Над 250 кубика

За повеќе/помалку поминати километри

± 1000

± 1500

± 2000

Корекција

± 1.5 %

± 1.0 %

± 1.0 %

Максимална корекција до                          ± 10 %

Табела 2. Корекција на вредноста на мотоциклите и трициклите во однос на поминатите километри

Ова значи дека ако на пример вашиот миленик е со кубикажа од над 250 кубика, а Вие имате поминато 10.000 километри помалку од неговата просечно - предвидена километража, тогаш неговата вредност ќе биде зголемена за точно 5 %. За исто толку проценти ќе биде намалена неговата вредност ако со Вашиот миленик сте уживале 10.000 километри повеќе од неговата просечна (предвидена) годишна километража.

Po samo edna godina, noviot motorcikl gubi 18% od svojata vrednostПо само една година, новиот моторцикл губи 18% од својата вредност

Сега чисто информативно ќе наведам и некои други параметри кои што се земаат во обзир од страна на стручни лица (судките вештаци, проценителите во осигурителните компании и др.) кои професионално се бават и детално ја утврдуваат вредноста на користените возила, но Вие не мора да се замарате со нив. Сосема Ви се доволни и претходните две табели за да добиете коректна цена за својот миленик. Доколку некој од Вас сака во детали да ја пресмета реалната цена на својот миленик, тогаш во обзир треба да ги има и следниве параметри:

-          Цена на ново набавен мотоцикл (со ист тип и карактеристики);

-          Застареност на типот на мотоциклот;

-          Дополнителна опрема;

-          Инвестиционите вложувања во вашиот миленик (доколку ги има);

-          Состојба на бојата на каросеријата;

-          Траги на корозија;

-          Состојба на тапацирот;

-          Состојба на пневматиците;

-          Надворешен изглед на моторот;

-          Начин на експлоатација (Дали бил користен за трки,издаван, рентиран и сл.);

-          Број на претходни сопственици и нивни занимања;

-          Претходни штети (начин и квалитет на извршената поправка);

-          Понуда и побарувачка, односно движењето на цените на пазарот.

 

Со почит и поздрав до следното читање

Постојан судски вештак:

дипл. сообр. инж.
Златко Кузмановски
Оваа е-адреса е заштитена од спамботови. Треба да ви е овозможено JavaScript за да ја видите. 

...........

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!