19
Вто, Сеп
Корисни текстови

Кампања: Грешката чини живот

Бројките од Еропските извештаи за безбедност во сообраќајот говорат дека патиштата во земјава се далеку од безбедни, а Македонија е единствената во Европа каде што бројот на жртви од сообраќајни незгоди, од година на година наместо да се намалува, постојано се зголемува..

Следете нè на:

 

vnimavajВнимавај на мотоциклистите! Погледни два пати, спаси живот!

Според црната статистика за бројот на сообраќајки во кои учесници се возачите на мотоцикли, за 2012 има мал тренд на намалување, но тоа не треба да не охрабрува, туку напротив да не мотивира да ја зголемиме свеснота со цел бројот на несреќи да се сведе на минимум.

Да ја подигнеме свеста на другите учесници во сообраќајот

Поттикнати од незгодата која се случи на првиот сончев ден годинава на кој повеќето од нас започнаа со возење на моторите, започнуваме со кампања која има за цел да ја зголеми свесноста на останатите учесници во сообраќајот за мотоциклите. 

Сликата во поголема резолуција може да се превземе со клик овде. Она што можете вие да го направите е да ја споделите со пријателите кои возат автомобили. Колку повеќе кружи сликата на социјалните мрежи, на веб порталите, весниците и сите други медиуми до кои можеме да допреме, толку е поголема веројатноста дека ќе му влезе во глава на некој возач на автомобил за кој нормална работа е да сврти полукружно на две полни ленти.

Следен чекор е организирање на возење низ Скопје, масовно, мирно и бучно, со цел да ја подигнеме свеста на останатите возачи. Идејата е возењето да се одржи кон крајот на месецов, секако доколку временските услови го дозволуваат тоа, а за датумот и местото дополнително ќе бидете известени.

Што велат бројките?

Во текот на 2012 година настрадале вкупно 423 мотоциклисти, од кои шест загинале, 109 се тешко повредени и 308 се телесно повредени. Исто така, во текот на годината настрадале и 100 сопатници од кои еден загинал, 18 се тешко повредени, а 81 полесно. 

Статистиката за претходните години е следна:

Во текот на 2009 година настрадале 519 возачи на моторцикли (девет лица загинале, а  510 се повредени) и 129 патници на моторцикли (едно лице загинало а 128 се повредени). Во текот на 2010 година настрадале 456 возачи на моторцикли (11 лица загинале, а 445 се повредени) и 112 патници на моторцикли (едно лице загинало, а 111 се повредени) и во сообраќајните незгоди случени во текот на 2011 година настрадале 431 возач на моторцикли (11 лица загинале, а 420 се повредени), додека 95 патници на моторцикли се здобиле само со повреди. 

Возачи Загинати Повредени Вкупно
2009 9 510 519
2010 11 445 456
2011 11 420 431
2012 6 417 423
Вкупно 37 1792

 

Со-возачи Загинати Повредени Вкупно
2009 1 128 129
2010 1 111 112
2011 1 94 95
2012 1 99   100
Вкупно 4 432

Што со неодговорните моторџии?

Секако дека сме сведоци и на многу моторџии кои ги користат булеварите за докажување на тркачките способности. Иако сме свесни дека немаме тркачка патека или друго место каде што може да се покаже потенцијалот и талентот, апсолутно ги осудуваме ваквите појави. Грешката чини живот, за дел од секундата се може да тргне наопаку, а единствен на кој ќе му биде важно дали сте поминале со 200 или 250 на „Партизанска“ ќе биде судскиот вештак.

Со цел да се зголеми свеста на возачите на мотоциклите за правилно возење во градски средини и носење на соодветна опрема, наскоро ќе подготвиме нови слики со пораки кои треба да допрат до оние кои лудуваат по нашите патишта.

Повеќе детали за проектот следуваат наскоро, а вие пред да ја навртите рачката за гас сетете се на бројките од табелите, носете опремавозете внимателно, не бидете дел од статистиката.

 

comments

Би можело да ве интересира

Роси се обидува да се врати на Арагон, доколку успее ќе загуби бодови од само една трка и ќе остане во борбата за шампионатот.

Андреа Довициозо и Марк Маркез го делат мислењето за една работа по завршувањето на неделната трка –не е точно дека одредени патеки повеќе им одговараат на некои машини.

Компанијата Pirelli обезбеди нов заден пневматик, W0735, за да го користат возачите од Светскиот ШСупербајк шампионат на патеката во Портимао. Тоа е нов, мек пневматик кој содржи различни структурни решенија во споредба со стандардниот, мек, SC0 како и SC1.

Словенечкиот производител на издуви Акрапович објави едно видео на кое може да се види како звучат сите супербајк мотоциклите кои користат нивни издуви. Засилете го звукот и уживајте.

За 2018 година верзијата на Kawasaki Z900 која има 93 коњски сили (70kW) ќе им биде достапна на сите оние кои имаат А2 лиценца.

Дали некогаш сте се нашле позади некој постар возач кој веројатно повеќе не би требало да биде дел од сообраќајот? Што велите за моторџија кој има 101 година?

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!