30
Вто, Мај
Корисни текстови

И македонските моторџии ќе штитат деца од педофили

„BACA“ се група моторџии што освен со својата љубов кон високите октани се занимаваат и со благородна мисија, помагаат злоупотребените деца да ја вратат самодовербата, а нивните напори станаа светски тренд, на кој ќе му се приклучат и македонските здруженија на вљубеници во мотори.

Следете нè на:

 

motordzii-baca

„BACA“ се група моторџии што освен со својата љубов кон високите октани се занимаваат и со благородна мисија, помагаат злоупотребените деца да ја вратат самодовербата, а нивните напори станаа светски тренд, на кој ќе му се приклучат и македонските здруженија на вљубеници во мотори.

 Мотоклубовите со нова мисија

Не можеме ни да си замислиме низ што поминува деветгодишното девојче што месецов беше намамено со триесет денари од старец на Првомајска, за да ја допира по нејзината интима. Експертите велат дека децата, откако ќе поминат низ трауматична ситуација, кога ќе бидат нападнати од педофили, ги губат самодовербата и вербата во други луѓе. По злоупотребата, тие се облиени со страв и многу тешко се враќаат во реалниот живот.

Моторџиите од БАЦА (Бајкерс агенст чајлд абјус), во соработка со полицијата, веќе 19 години го враќаат чувството на безбедност кај злоупотребените деца. Најпрво тој благодат го имале американските деца, но сега моторџиите низ целиот свет се приклучуваат кон истата мисија.

- Во моментов работиме со луѓе од Хрватска за да се имплементира мисијата на БАЦА и со уште една група моторџии од Грција. Веќе имаме активни моторџии во Италија, Холандија, Франција и работиме со поголема група во Германија. Има иницијатива и од 12 други европски земји. БАЦА доаѓа во Европа, и тоа со големи чекори, и мислам дека е само прашање на време кога моторџиите од Балканот ќе ни се приклучат. Моторџии од Босна изразија интерес, но сѐ уште не е ништо договорено - изјави Брус Гатс Андре од БАЦА за „Нова Македонија“.

ДОБРА ИДЕЈА

На Балканот и во Македонија моторџиите полека се организираат за да се вклучат во благородната мисија.

- Идејата е многу добра. Звучи одлично и би сакале да се вклучиме. Прво, се разбира, треба да се види како точно функционира мисијата и треба да се исконтактираат иницијаторите за да се прецизираат термините за одржување обука кај нас - изјави Ленин Јовановски, претседател на клубот „Ноќни волци“.
Желбата за почеток на оваа мисија е и затоа што и „Ноќните волци“, поточно македонските моторџии, имаат меко срце. Јовановски истакна дека се постојани пријатели на децата со аутизам и дека редовно соработуваат со полицијата во проекти за безбедно возење.

- За жал, кај нас не постои БАЦА во директна форма, но секако дека иницијативата е тука, а заинтересираноста за вакво нешто е голема. Ако има услови да се продолжи иницијативата и во нашата земја убеден сум дека ќе има голем одѕив кај моторџиите - изјави Благоја Мартиновски, познат скопски моторџија.

Моторџиите како браќа и сестри

Џон Пол, Шефот Лили, социјален работник, е основачот на БАЦА. Приказната започнала кога 8-годишно момче што било злоупотребено било толку исплашено што не го напуштало својот дом. Шефот, бидејќи имал среќни спомени од детството со моторџии, го вклучил момчето во моторџиска тура. Момчето за неколку недели целосно се опуштило и низ градот возело велосипед и почнало да се дружи со своите врсници.

- Чекаме подготвено за да ги заштитиме овие деца од понатамошно злоупотребување. Не ја поддржуваме употребата на насилство или некоја физичка сила, но ако ситуацијата побара од нас да употребиме сила за да го заштитиме детето, подготвени сме и за тоа - објаснуваат моторџиите од БАЦА.
Моторџиите додаваат дека братството и семејните вредности не се само начин на живеење, туку начин на живот. Еден за сите и сите за еден е нивната реалност. Откако детето ќе се опушти и ќе ги запознае, разбира дека повеќе не е немоќно, а стравот од напаѓачот ќе исчезне, велат психолозите.

Полицијата ги поддржува и им помага

Судовите и полициските служби, кога ќе наидат на случај со детска злоупотреба, испраќаат извештаи и до БАЦА. Тие понатаму проверуваат дали детето што е искористено има безбедносни стравови. Ако детето има потреба од поголема моторџиска фамилија, браќата и сестрите се собираат и го посетуваат. Претходно, известена е и полицијата. По пристигнувањето во домот на детето тие му даваат елек со зашиен амблем од БАЦА на грбот, налепници и слично. Првичната посета најчесто трае околу половина час. Кога ќе заминат, детето има два телефонски броја од членови што живеат најблиску до неговиот дом. Пред да бидат директни контакти на детето, а и воопшто членови на организацијата, моторџиите мора да бидат проверени дали имаат досие и дали ги поминале обуките од здравствена ментална установа. Моторџиите ги придружуваат потоа децата ако треба да одат на сослушување, интервју или ако се сами дома. Тие исто така организираат и забави за децата.

Извор: Нова Македонија
Автор: Јасна Атанасова / Оваа е-адреса е заштитена од спамботови. Треба да ви е овозможено JavaScript за да ја видите.

comments

Би можело да ве интересира

МотоГП шампионатот продолжува со најпознатата патека во календарот, легендарната Муџело. Овој викенд на програмата е шестата од вкупно 18 трки колку што се предвидени за 2017 година.

Да бидеме искрени, силниот звук од издувот нема да ве спаси ако лицето кое управува со нов автомобил го пуштил звучиот систем најгласно и гледа на својот телефон додека вози. Но не грижете се бидејќи Bosch развива систем кој ќе ги предупредува возачите.

Џонатан Реа стави крај на доминантната серија која Том Сајкс ја имаше на Донингтон Парк. Откако падна на првата, тој успеа да оствари победа на втората трка.

Возачот на Movistar Yamaha, Валентино Роси, беше дел од една несреќа која се случи минатата недела за време на тренингот во Мондавио, Италија.

Откако настапи со вајлд карта за Moto3 тимот на Red Bull KTM Ajo на патеката во Ле Ман, Дени Кент ќе се врати во Moto2 за трката во Муџело. Англичанецот ќе биде замена за повредениот Икер Лекуона во тимот Garage Plus Interwetten.

Марк Маркез се најде на врвот на дводневниот приватен тест кој се оддржа на патеката во Каталуња, Барселона. Во пресрет на трката која е закажана за следниот месец на истата патека, можноста за тренинг ја искористија речиси половина од MotoGP тимовите.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!