23
Вто, Мај
Интервјуа

Христијан Бузалковски - Бузо: Да ја освојам SP125 па ќе преминам во F600

Разговараме со Христијан Бузалковски - Бузо, третопласиран возач во генералниот пласман на Источно-Европскиот шампионат во класата SP125 за 2015 година.

Следете нè на:

 

Зад тебе е почетничката сезона во Источно Европскиот шампионат, како ти ја виде сезоната?

По освојувањето на Сакамото купот кој се оддржа минатата година, решивме да направиме еден поголем чекор и да одиме да ги измериме силите надвор од рамките на нашата држава, и притоа остваривме резултат подобар од очекуваниот.

Дали си задоволен од резултатот кој го постигна?

Оваа сезона генерално беше и подобра од што очекувавме, нашиот план беше да бидеме на половина од вкупниот број на натпреварувачи, но видовме дека можеме повеќе и атакувавме на поголемите односно повисоките позиции, притоа успеавме да оствариме четри последователни подиуми и трето место во генералниот пласман, со кој сум и премногу задоволен.

buzo 1Бузалковски на патеката Плевен во Бугарија

Сега кога имаш време да размислиш, има ли нешто што можеше да го направиш подобро?

Секогаш може подобро, генерално би сменил нови и појаки делови на моторот, и ќе се борев за повисоките позиции, односно врвот во шампионатот.

Какви се плановите за следната сезона?

Планот за следната сезона е да го спремиме моторот да биде доволно брз колку на останатите конкуренти, за да напаѓаме на повисоките позиции на пиедесталот, но и доколку има добри спонзори би сакал и да пробам во повисоката класа F600.

Што потоа, кога ќе те видиме во поголема класа?

Прво сакам да остварам успех во класата SP125 да си отидам како победник, па потоа да преминам во класата F600, но се со ред, но ако има доволно спонзори и финансии, би сакал да влезам со Wild card на една трка.

buzo 2Бузалковски за кусо време стана едно со својот мотоцикл

Задоволен ли си од условите кои ги имаш?

Неможам да кажам дека не сум задоволен,затоа што ако не беа спонзорите кои ми помагаа целата сезона,јас немаше да го остварам овој резултат кој што го остварив оваа сезона,и оваа прилика ке ја искористам јавно да им се заблагодарам на сите кои ми помогнаа целата оваа сезона ,дали со финансии дали со бодрење, на мојот матичен мото клуб МК Мотори, на моите спонзори, сепак да не беа они,јас немаше да го остварам овој успех

Каков е планот за подготовки?

Планот е да направиме еден тест во Серес со старите делови на моторот, и потоа уште неколку тренинзи со нови делови, за да ја увидам разликата и притоа поубаво да ја научам и стазата и моторот, затоа што минатата година го имавме едниот од најлошите викенди во сезоната на патеката во Серес, па затоа не би сакале истиот тој да се повтори и следната сезона

Сега кога е познат календарот за трки, имаш ли посебна стратегија?

Стратегија секогаш имаме, но за разлика од минатата година каде што перформансите на моторот ни беа најслаба страна и не можевме толку да правиме стратегии, бидејки силата на моторот беше таа, и јас морав само максимумот да го давам, не се фокусиравме толку на стратегијата, туку на 3-тата позиција во генералниот пласман, така да оваа година, со нови делови мора да имаме силна стратегија, но таа ќе биде откриена само на денот на трката хахаха

buzo 3На патеката Серес во Грција

Кој е твојот „тренер“ од кого најмногу слушаш совети?

Мои тренери се брат ми и татко ми, кои во текот на целата сезона го пратеа моето возење, и ги гледаа моите грешки односно каде сум слаб, на кој дел од патеката, и притоа ми укажуваат како да се подобрам, како да го сменам и да го подобрам стилот на возење за да бидам подобар и по брз. Совети слушам од сите, но само јас и мојот тим одлучуваме кои точно да ги употребиме.

Каков е планот за моторот, остануваш со истиот или ќе се подновиш?

Како што знаете, сега зади мене стои менаџерска агенција “Krki football management”, сега за сега сме со истиот мотор, но во иднина ќе видиме како ќе се одвиваат работите.

Што има од опрема или што ти недостасува за него?

Хмм, моментално мојот мотор е доста по не-конкурентен во однос на другите, па затоа за следната сезона, треба да набавиме нови делови бидејќи овие се веќе истрошени, така да мислам дека треба да се набават 90% нови делови што се однесува до агрегатот.

Што би додал за крај?

Пократка сајла за гас (хахахаххаа) и бидете брзи на стаза, а внимателни во градскиот метеж  #Gaaaaas71

buzo 4Бузалковски го прославува третото место во генералниот пласман по трката во Бугарија

comments

Би можело да ве интересира

Се чини дека Zero и Electrica добиваат сериозен конкурент откако Lightning Motocycles објавија дека ќе се вклучат во производството на електрични мотоцикли. Од компанијата објавија дека планираат да го тестираат прототипот кој ќе може со едно полнење да стигне од Лос Анџелес до Сан Франциско.

Dorna Sports оваа година тркањето го донесе во дневните соби откако го претстави возбудливиот MotoGP eSport шампионат. Можете да се вклучите и вие, а во случај да постигнете најдобар резултат, тогаш ќе добиете BMW M240i. За жал, нема да добиете мотоцикл.

Оф роуд мотоциклите ќе бидат забранети во некои делови од Дубаи со цел да се намали асоцијалното однесување.

Фабричкиот тим на Red Bull KTM, само што објави дека нивниот професионален возач, Рајан Данџи, одлучил да се повлече од натпреварувањето. Објавата следува кратко откако тој ја освои својата трета последователна титула во AMA 540SX шампионатот, притоа возејќи со фабричката верзија на 450 SX-F.

Возењето на Супермото е можеби едно од најинтересните работи што можете да ги направите на две тркала. Мотоцикли за нерамен терен опремени со улични гуми, супермото нуди одлична услови за возење низ град како и можност за вежбање на вашата техника на некоја пониска платформа.

Конечно пристигнаа! КТМ ги претстави првите двотактни мотоцикли со директно вбризгување на горивото кои имаат EXC TPI (Transfer Port Injection)

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!