Дали некој знае какви се и правилата околу возачките категории и регистрација на мопед/мотоцикл

Biofacticity

Нов член
#1
Неколку прашања на пример

1. На колку време треба да се прави регистрација и осигурување на мотор до 50цц - до 125 и над и одприлика кои се цените?

2. Дали со полагање на Б категорија автоматски се стекнува и А1 - и какви ограничувања носат А1 А2 и А, кои се цените и што е потребно да се добија дозвола (тестови? часови во авто школа итн?)

3. Кои се правилата за мотор купен надвор од државата - дали е потребна регистрација, данок итн?

4. Зошто нема лесно достапни информации за овие основни работи?

Ако некој што ги завршил или му се познати овие административни работи поврзани со мопеди/мотоцикли го замолувам накратко да ми одговори

Фала однапред.
 

Слаткоја

Активен член
Мотор
Aprilia RSV4 RR 2017
#2
1. Регистрација на мотоцикл со зафатнина над 50цц се прави секоја година, периодот на регистрација може да биде 3,6,9 или 12 месеци (осигурувањето, техничкиот преглед го плаќаш за цела година)

2. Не, со полагање на Б категорија смееш да управуваш само велосипед со мотор (скутер) до 50цц. Во категоријата „А1“ спаѓаат мотоцикли чија работна зафатнина на моторот не е поголема од 125 см³ и чија сила на моторот не е поголема од 11 kw, може да се добие со наполнети 16 години. Со А2 се управуваат мотоцикли со моќност до 35 kw, може да се добие со наполнети 18 години. А категорија можеш да добиеш откако ќе наполниш 21 година. Немаш дополнителни полагања за секоја категорија, полагаш за А1 на 16 години, на 18 ти преминува во А2, на 21 во целосна А категорија. Ако полагаш на возраст постара од 21 година директно за А категорија првите две години си возач почетник. За цена јави се во било која авто школа.

3. Регистрација е потребна за секој мотор без разлика од каде е. Данок од 18% на проценетата вредност се плаќа на секој увезен мотор, царина од 15% се плаќа на мотоциклите со потекло од Јапонија, а на мотоциклите со потекло од ЕУ царина нема. За цената на чинење со сообраќајната од моторото треба да се јавиш во шпедиција и ќе можат да ти пресметаат колку ќе ти бидат трошоците за увоз.

4. Се менуваше законот за безбедност во сообраќај, а и промените се релативно нови за категориите, ама ако побараш на сајтот и форумов ќе ги најдеш сите информации.
 

milanamd2000

Нов член
Мотор
LIFAN
#3
Мотоциклите до 50 см3 се регистрираат еднаш , и секоја година се зема налепница
Во врска со цените за регистрација за мотори до 50 см3 тие изнесуваат;
за прв пат околу 3000 денари (осигурување, технички, сооб.дозвола, и рег.таблица), а секоја година се плаќа само налепница (таксени марки и провизии ) и осугурување околу 600 денари.или вкупно со осигурување околу 1200 ден
За мотроциклите до 250 см3 , прв пат околу 4300 (технички, сооб.дозвола, рег.таблица, и осигурување - осигурувањето е 1600 денари )
Над 125 см3 цената е иста само цената на осигуривањето е различна и тоа
од 50- 100 см3= 1000 ден
од 100-175см3 =1600 ден
од 175-250см3 =2240
од 250-500 см3=3633
од 500-750 см3=5774,
повеќе од 750 см3 = 7914 ден
Еве некои корисни линкови
http://www.orion.eu.mk/index.php?option=com_content&view=article&id=50&Itemid=204
http://www.sicam.mk/kA1.html
http://www.mvr.gov.mk/upravni-rab/27
 

DACIA

Нов член
Мотор
BT49QT-28 2T 2009
#4
А дали при промена на газда на скутер од 50цц мора повторно дасе регистрира??
 

Deni

Нов член
#6
Поздрав другари. Ајде форсирајте малце.

https://off.net.mk/pisma-na-chitateli/chetiritaktni-pisma-na-chitateli

Бидејќи прочитав низ медиумите дека приоритет ќе ви биде загадениот воздух и сообраќајниот хаос, би сакал да Ви предложам едно решение кое ги опфаќа и двете дејности истовремено. Имено долго време се дискутира за овозможување на употреба на скутери и мотори со мала кубикажа со положена Б категорија за возачка. Досега ограничувањето е за 50 кубни центиметри и сe фаворизираат микро скутери кои се двотактни. Тие прават големо загадување бидејќи согоруваат и бензин и масло. Понатаму се премногу бучни и претставуваат огромно акустично загадување за градот скопје.

Ограничувањето по кубикажа е многу несоодветно бидејќи моќноста на едно возило се мери во киловати, а не во кубни центиметри. Затоа многу подобро и помодерно е да се префлри ограничувањето од 50 кубни центиметри, на соодветен број киловати. Во случајов 11 киловати.

Бенефитите од ова ќе се многукратни. Конкретно ќе се овозможи со Б категорија да се возат 4 тактни скутери и мотори кои се со мала моќност. Истите се многукратно поекономични од двотактните. Четиритактните се многукратно поеколошки со многу повисоки еколошки стандарди. Четиритактните се многу понерасипливи и поиздржливи. Многу поголем број на граѓани ќе се одлучат за патување со мотор или скутер кој е четиритактен кој не загадува, и не мириса. Ниеден истакнат граѓанин несака да стигне на дестинацијата и палтото да му мириса на двотактол. Истовремено ќе се опфатат и електрични скутери и мотори со мала моќност. Кои исто така се многу модерни и еколошки.

Полагањето за А категорија за да се вози скутер со мала моќност до 11 киловати нема никаква логика. Од типот на Piaggio Liberty, Honda PCX, Yamaha X-Max. Големите производители веќе не ни произведуваат двотактни мотори со 50 кубни центиметри.

Со само еден лесен потег ќе се зголеми ефикасноста на возилата во градот. Ќе се намали загадувањето од согорување масла во воздухот. Ќе се намали загаденоста на воздухот заради намалената употреба на автомобили. Ќе се намали сообраќајниот хаос заради зголемениот број на моторцикли. Ќе има поголем број на паркинг места бидејќи голем број на граѓани ќе патуваат со мотор.