Мото клубот „Guardian Angels MC - Macedonia“ денеска успешно ја организираше третата моторџиска крводарителна акција.

Мото клубот „Guardian Angels MC - Macedonia“ денеска успешно ја организираше третата моторџиска крводарителна акција.

До 12 часот беа собрани планираните единици на крв, а акцијата која траеше до 14 часот беше поддржана од повеќе мото клубови. Во дневниот центар за дарување крв „Даре Џамбаз“ ги забележавме хуманите членови на мото клубовите „Мото Скопје“, „Reapers MC“, „Dardanians MC“, „Street Riders - Macedonia“, а акцијата беше поддржана и од Хеми Моторс како и од Роад Хаус.

Членовите на „Guardian Angels MC - Macedonia“ покрај дарувањето крв својата хумана страна ја покажаа и со донација на облека за потребите на Црвениот Крст во чија соработка беше организирана акцијата. Спонзор на настанот беше „Ljubljanske mlekarne“.

Секоја чест за момците кои даруваа крв, и нека биде ова поттик за повеќе мото клубови да се вклучат во хуманитарните акции со цел да им се помогне на оние на кои тоа најмногу им е потребно.