22
Саб, Јул
Домашни

„Ноќните волци“ од регионот на Балканско собрание во Охрид

Повеќе од 200 моторџии членови на Ноќни Волци од регионот и земјава учествуваа на собранието кое викендов се одржа во Охрид.

Следете нè на:

 

Повеќе од 200 моторџии од Македонија, Србија, Бугарија, Романија, Црна Гора и Република Српска учествуваа на Балканското собрание на националните Одделенија активни во здружението  „Ноќните волци“ што викендов се одржува во Охрид.

На оваа средба, што периодично ја организираат „Ноќните волци“ надвор од сезоната односно кога нема услови за безбедно возење, се дискутираа повеќе прашања и теми од интерес на клубовите, како и за предвидени активности за тековната година.

volci nw ohirdНоќни Волци во Охрид, фото: OhridNews

– Зборувавме на теми како дисциплината во клубот, кодексот на моторџиите, едукација за помладите членови околу принципите на активност, кои се основните услови за членство, што ги претпоставува клубот. Имавме и едукативни средби посветени на безбедносниот аспект, со посебно внимание на опасните ситуации при возење во населени места и надвор, како и безбедно возење во група, истакна Ленин Јовановски, претседател на Одделението на „Ноќните волци“ за Македонија и претседател на регионалниот сојуз.

Зборувајќи за нивните активности како патриотски клуб, Јовановски истакна дека на задоволство на членството потврден е јасниот став на нивното здружение за меѓусебната поддршка на активностите на националните одделенија.

–  Ние покрај што сме моторџии, ние сме патриоти и наша основна цел преку активностите е обединувањето на православјето. Наша должност потврдена преку клубското правило е да придонесуваме за решавање на сите проблеми што задираат во нашите патриотски и традиционални вредности што ги негуваме и тука сме единствени, рече Јовановски.

Претседателот на Одделението на „Ноќните волци“ од Србија, Саша Савиќ истакна дека една од заложбите преку нивното делување е да се работи на демистифицирање и разбивање на стереотипите на поврзување на нивните активности со криминални дејности како насилство, рекет, недозволена трговија со дрога, оружје и слично.

– Идеологијата на „Ноќните волци“ е да се разбива токму тој стереотип дека моторџиите се грди, злобни, гнасни. Ги почитуваме сите закони и народите на териториите каде гостуваме, а љубовта кон моторите е наша пасија, наш стил на живот. Наши заложби се да се остави знак, печат дека сме чесни, искрени, луѓе кои ги вреднуваат туѓите традиции и вера, но и да ги почитуваме своите, рече тој.

Бојчо Лештански, претседател на Бугарското одделение на „Ноќните волци“, истакна дека соработката на одделенијата на „Ноќните волци“ се темели врз братска основа.

– Каде и да се наоѓаме во државите каде има наши членови, ние се чувствуваме како дома. Меѓу нас си помагаме, зависно од можностите, а сметам дека доволно сме препознатливи преку нашите обележја дека се дистанцираме од какви било криминални активности, рече Лештански.

За бројот на нивното членство тие велат дека тоа е тајна на нивното братство, дека ги има во доволен број со забелешка дека нивните активности се препознатливи преку квалитетот, а не квантитетот.

Извор: a1on.mk

 

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!