Домашни

Најава: 10 години Мотори.ком.мк

10-от роденден на мотори.ком.мк ќе биде одбележан со дневна хуманитарна журка во центарот на Скопје.

Следете нè на:

 

10-от роденден на мотори.ком.мк ќе биде одбележан со дневна хуманитарна журка во центарот на Скопје.

poster rodenden motori 1

На 13 септември 2007-ма година беше објавена првата содржина на motori.com.mk. Изминаа цели 10 години од првите средби, запознавања, возења... а сите заедно направивме многу за оваа наша македонска мото заедница. 

Идејата е јубилејниот роденден да го направиме значаен, да остане запаметен. На нашиот колега моторџија Ивица Станковски - Белчо од Куманово му се потребни средства за да набави квалитетна протеза, која ќе му помогне самостојно да се движи, откако пред два месеца остана без едната нога, во сообраќајна несреќа на раскрсницата кај спортската сала во Куманово, при судир на мотор и џип. 

Се одлучивме за дневна забава, во кафеана, во пријатна атмосфера да прославиме 10 години постоење на Мотори.ком.мк. За доброто расположение ќе се погрижат фантастичните Plan G од Гостивар, за разладување ќе имаме точено пиво, а за гладните и вкусна скара. Целиот профит од роденденската забава ќе биде дониран на Ивица, а дополнително ќе биде поставена и кутија за донации.

Огромна благодарност до градската кафеана Калабалак без чија несебична помош немаше да можеме да ја организираме забавата. Улицата од потегот на хотелот Канет до пицеријата Занзибар ќе биде затворена за сообраќај од страна на МВР, а благодарение на Паркинзи на општина Центар целиот паркинг пред кафаната ќе биде ослободен за мотоцикли.

Поканата е отворена за сите моторџии и вљубеници во мотоциклите, сите мото клубови и поединци, но и за сите хумани луѓе кои сакаат да помогнат. На 17-ти септември (недела) со почеток од 12 часот на пладне се гледаме во Калабалак во парк.

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!