Домашни

Мото клуб ”Мечки” – добитници на Ноемвриска награда за посебен општествен придонес

Комисијата за одбележување на празници и манифестации и доделување нa награди и признанија која делува во рамките на Советот на Општина Куманово, денес донесе одлука, Ноемвриската награда да ја додели на седум субјекти, меѓу кои се вброи и кумановскиот Мото Клуб ”Мечки”. Наградата ја доделува Општина Куманово во чест на 11 Ноември – Ден на ослободување.

Следете нè на:

 

bears-macedoniaМото клубот Мечки од Куманово продолжува со успешната работа

Комисијата за одбележување на празници и манифестации и доделување нa награди и признанија која делува во рамките на Советот на Општина Куманово, денес донесе одлука, Ноемвриската награда да ја додели на седум субјекти, меѓу кои се вброи и кумановскиот Мото Клуб ”Мечки”. Наградата ја доделува Општина Куманово во чест на 11 Ноември – Ден на ослободување.

Ноемвриската награда доаѓа како израз на највисоко општествено признание што се доделува за посебни постигнувања во општествениот живот на Куманово, а причините за добивање награда за Мото Клуб ”Мечки” се повеќе од познати за кумановската и поширока јавност. Ангажманот на кумановскиот клуб ”Мечки” вбројува многу годишни активности, рок концерти, дефилеа но, секако, една од најважните мисии на овој клуб е безбедноста, како и подигање на свеста за безбедност во сообраќајот за сите учесници, но и почитување на учесниците на две тркала од страна на возачите на патнички моторни возила.

dedo-mraz-6Годинава по шести пат успешно беше организирана акцијата „Дедо Мраз на мотор“

Во таа чест, Мото Клуб ”Мечки” денес напладне организираше и мало дефиле низ кумановските улици, како знак на славење и искажување благодарност до Општина Куманово за укажаната доверба и доделување на високопризнената ”Ноемвриска награда”.

За претседателот на мото клубот ”Мечки”, Јовица Гиновски, наградата за сите членови на клубот претставува чест и мотив повеќе да бидат уште поприсутни во целосниот општествен живот на Куманово.

Нашиот ангажман на општествено ниво е можеби скромен, но значаен за граѓаните на Куманово, а тоа го докажа и доделената Ноемвриска награда. Досега имаме спроведено бројни акции, како хуманитарни, така и акции за подигање на јавната свест кај учесниците во сообраќајот. Тука би ги вбројал акциите ”Дедо Мраз на мотор”, која ја организиравме по шести пат оваа година за доделување новогодишни пакети за штитениците во Дневниот центар за деца со посебни потреби, потоа активностите спроведени заедно со Отсекот за превенција при СВР Куманово и наставата за “Сообраќајна поука”, придонес во акцијата за помош на поплавените подрачја во Србија и БиХ, кампањата спроведена на локално ниво во содејство со СВР Куманово и секторот за сообраќај под име ”Заедно сме побезбедни”вели Гиновски

Секако, печат во 2014 година остави хуманитарната акција Во организација на Мото Клуб ”Мечки” од Куманово и Еуро Бајкер од Германија, при што на 31 мај, во кумановската Општа Болница пристигна големата хуманитарна пратка од пет товарни возила – шлепери, наменета за помош на болницата, Домот за стари лица ”Зафир Сајто”, како и за Дневниот центар за децата со посебни потреби до 18 години.

Извор: Кумановски Муабети

comments

Би можело да ве интересира

Видеото започнува со претставување на производите на Kawasaki, односно едно лице како вози спортски модел во тунел. Но кога возачот излегува од тунелот, тој го вози концептот Ј.

Се огласи и производителот на сопирачките Брембо заради кој Априлија и Дукати најавија повлекување и бесплатна замена на главниот кочионен цилиндер кај поновите модели.

Дукати е првиот фабрички производител во МотоГП кој го претстави моторот со кој ќе се натпреваруваат Хорхе Лоренцо и Андреа Довициозо оваа сезона.

Новото правило со себе носи и голем број на услови кои мора да бидат исполнети. На пример, воздушното перниче задолжително мора да ги штити рамото и клучната коска, а заштитата на грбот не е задолжителна. 

Со оглед на тоа дека се влошува временската состојба, беше донесена одлука да се одложи деветата етапа, а тимовите да се префрлат во следниот камп кој се наоѓа во Салта, Аргентина.

Сем Сандерленд заздравува од повредата поради која мораше да се повлече од релито Дакар и веќе во текот на денешниот ден се очекува да се врати во Европа.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!