24
Пон, Јул
Домашни

МФМ ги прогласи најдобрите за 2015 година

Мотоциклистичката Федерација на Македонија вечерва ги прогласи најдобрите мотоциклисти за 2015 година.

Следете нè на:

 

На свеченоста која вечерва се одржа во хотелот Александар Палас во Скопје, Мотоциклистичката Федерација на Македонија ги прогласи најдобрите мотоциклисти за 2015 година.

Федерацијата оваа година навремено ги заврши подготовките и најдобрите мотоциклисти ги добија признанијата согласно со предвидениот план. На свечениот настан претседателот на МФМ, г-н. Зоран Наумовски-Кизо им се заблагодари на присутните за поддршката и им ги честиташе признанијата на спортистите.

mfm proglasuvanje 2015 26 9Момент од доделувањето на наградите

МФМ ги награди најдобрите поединци во мотокрос шампионатот, како единствена дисциплина која се возеше во 2015 на нашите патеки. Признанија добија возачите во класите МХ85, МХ3, МХ2 и МХ1. Следуваа признанија за клубовите, а не беа заборавени ниту спонзорите кои ја помогнаа работата на Федерацијата оваа година.

Шампионатот на Македонија во мотокрос за 2015 година се одржа на патеките Орман крај Скопје и  Братиндол крај Битола.

Кај најмладите во класата МХ85 најуспешни беа

МЕСТО НАТПРЕВАРУВАЧ МОТО КЛУБ
3 Албан Елези МК Вардар
2 Миодраг Станојевиќ АМК Пуста Река - Србија
1 Самир Бишевац МК Мото Велес

И во класата МХ2 на подиумот исто така ќе видиме тројца млади натпреварувачи

МЕСТО НАТПРЕВАРУВАЧ МОТО КЛУБ
3 Васко Киров МК Ноќни волци
2 Младен Станојевиќ АМК Пуста Река – Србија
1 Христиан Станковиќ МК Мотостарс

Во најсилната класа МХ1 најдобри беа

МЕСТО НАТПРЕВАРУВАЧ МОТО КЛУБ
3 Драган Ванов МК Мото Велес
2 Гоце Томовски МК Гого
1 Христиан Илиоски МК Пелистер

Во класата МХ3 заслужено признанијата ги освоија клупските колеги од МК Ноќни волци

МЕСТО НАТПРЕВАРУВАЧ МОТО КЛУБ
3 Јован Стојков МК Ноќни волци
2 Борис Мојсов МК Ноќни волци
1 Борче Костов МК Ноќни волци

Кај клубовите најмногу поени освоија

МЕСТО МОТО КЛУБ ГРАД
3 МК Мотостарс Битола
2 МК Мото Велес Велес
1 МК Ноќни волци Скопје

mfm proglasuvanje 2015 26 18МК Ноќни Волци беше нај успешен клуб во 2015 година

Во делот од туринг, МФМ беше организатор на јубилејното традиционално „23-тото и 24-тото Мото рели Македонија – Независност“ на кои учествуваат вкупно преку 700 мотоциклисти од десеттина држави, а репрезентацијата на Македонија успешно се претстави и на 69-тото ФИМ рели во Финска и јубилејното 70-тото ФИМ рели во Франција.

Како што напоменавме преставниците на МФМ редовно учествуваат на ФИМ релијата, а годинава наградени беа:

  1. Ѓорги Несторов – Зрно за 35 учества како возач;
  2. Димитар Вегов за 15 учества како возач;
  3. Убавка Вегова за 15 учества како совозач; и
  4. Костадин Несторов за 5 учества како совозач, кој е воедно и најмлад добитник во светски рамки на ова признание.

Во изминатите две години еден наш натпреварувач го освои најпрестижното признание златна кацига! Христиан Станковиќ беше најдобар во Шампионатот во Мотокрос на Македонија три години по ред и ги освои титулите во 2012, 2013 и 2014 година.

Нај голем аплауз и поддршка од публиката имаше при доделувањето на постхумните признанија за легендите на мото спортот Васил Николовски и Тони Гулевски – Бабуш.

Она што е од големо значење не само за мотоциклизмот, туку и за Македонија која вложува во спортот и го поттикнува спортскиот дух, уште еднаш да потенцираме дека за прв пат на национално ниво се организираше хуманитарното рели „24-то мото рели Македонија-независност 2015“. По тој повод Црвениот Крст додели признанијата на компаниите кои го помогнаа хуманитарното рели и кои ја разбираат големината и значењето на одржување на еден ваков настан.

Честитки за навремената организација на настанот од страна на МФМ, се надеваме дека ќе продолжат со ова темпо и наскоро ќе ги добиеме календарите за трките следната сезона, како и организација на повеќе настани со кои ќе се промовира мото спортот во земјава.

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!