25
Вто, Апр
Домашни

Христијан Илиоски со нов мотор!

thumb_hristijan_ilioski_nov_motor_2Она што започна како невозможна идеја на форумот, конечно се оствари! Нашиот најголем талент Христијан Илиоски купи нов мотор, Suzuki RMZ 450 со кој ќе може да се натпреварува во Источно-Европскиот шампионат.

Следете нè на:

 

hristijan_ilioski_nov_motor_2

Она што започна како невозможна идеја на форумот, конечно се оствари! Нашиот најголем талент Христијан Илиоски купи нов мотор, Suzuki RMZ 450 со кој ќе може да се натпреварува во Источно-Европскиот шампионат.

По иницијатива на Бернард Дебси, започнавме акција која предвидуваше уплата на средства на сметката на Кико. Бидејќи резултатите беа слаби, организиравме првомајска мото журка, а потоа и кутии за собирање на средства на неколку собири во тој период, но сепак средствата беа далеку од доволни. Во меѓувреме Илиоски доби по еден сет гуми од МотоПром, SkyMoto и од Motori.com.mk. Се обративме и во агенцијата за млади и спорт од каде ни беше ветена помош која Кико треба да ја добие кон крајот на месецов.

Сепак главниот "виновник" за новиот мотор на Кико е Cermat. Домашниот производител на сладоледи ја продолжи акцијата, ги донираше средствата од влезниците и беше генерален спонзор на трката во Битола каде Кико ја освои главната награда. Со сите пари на купче, плус оние од сега веќе продадениот дотраен мотор, Кико во Србија го купи новиот мотор.

Во Србија отпатува на мотокрос трка, каде за прв пат го возеше новиот мотор (во МХ1 класа) и го освои второто место, веднаш за Ненад Шипек. Колку за споредба, хрватскиот кросист е учесник на Светскиот и Европскиот шампионат!

До крајот на годината Илиоски ќе го доврши нашиот шампионат во МХ2 класата со друг мотор, постои можност и да вози во двете класи, а од следната година ќе го гледаме со новиот мотор само во МХ1.

Моторот е тука, Кико е подготвен, останува уште сериозен спонзор кој ќе го подржува во неговите успеси, а тие се неминовни. Учеството на Европската сцена бара многу средства, па затоа помошта и поддршката за Илиоски не треба и нема да заврши на ова.

Кико, само напред.

 

comments

Би можело да ве интересира

Втората трка која викендов се возеше на патеката во Романија му донесе уште еден подиум на Слободан Ивчески.

Возачот на Repsol Honda вели дека неговата петта победа по ред на патеката во Остин го врати во борбата за титулата

„Очигледно е дека не беше негова вина што излезе од патеката. Но исто така тој не смее да се стекне со предност“ – Мајк Веб, директор на трката.

Одлични резултати од 3. трка во БМУ Европскиот брзински мото шампионат

Како и што предвидовме, BMW HP4 Race, мотоциклот кој е изработен од многу карбонски делови, дебитираше на шоуто во Шангај. Ова е продукциската верзија на прототипот која BMW Motorrad ни ја најави на минатогодишното EICMA шоу во Милано.

Макпетрол во својот продажен салон го изложи новиот модел на Honda CBR500R.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!