24
Нед, Сеп
Домашни

Дејан Шпољар со шоу за паметење

Хрватскиот стантер Дејан Шпољар викендов имаше фантастичен настап во близина на патеката Лагово во Прилеп.

Следете нè на:

 

stunter pp 95 of 101Дел од настапот на Шпољар во Прилеп

Хрватскиот стантер Дејан Шпољар викендов имаше фантастичен настап во близина на патеката Лагово во Прилеп.

По повод празникот 11-ти октомври, мото фановите од земјава имаа прилика да присуствуваат на шоуто кое се одржа на паркингот кај патеката за мотокрос во Лагово, во близината на Прилеп.

Поканата за посета на настанот ја добивме покасно од вообичаеното, а имајќи во предвид и дека до сега не сме имале прилика да го проследиме Дејан во живо појдовме малку скептични. На местото на настанот публиката веќе беше собрана во голем број, а Дејан заедно со својата свршеница Матеа Влашиќ се подготвуваше за почетокот на шоуто.

Дејан започна со трикови кои сме навикнати да ги гледаме на видео клипови, па дури и оние кои ги гледавме од Крис Фајфер на настапот во Скопје, но она што не воодушеви е неговата инвентивност. Освен работите кои ги правеше поразлично и на свој начин, тој умешно во својот настап ја покажува и љубовта кон својата свршеница со која имаат неколку заеднички точки. Дејан има беспрекорна контрола на мотоциклот, а покажа и дека е мајстор за рамнотежа. Публиката уживаше во акробациите на Дејан, па иако временските услови не беа идеални, никој не ни помислуваше да го напушти местото пред крајот на шоуто.

Првата посета на Дејан во Македонија на крајот помина фантастично, публиката долго ќе го памти неговото шоу, а ние се надеваме дека повторно ќе имаме прилика да уживаме во неговите способности. Организаторот како и секогаш има работи кои може да ги подобри, но ги поздравуваме сите настани од ваков карактер и ги поддржуваме и во иднина да продолжат со слични активности.

За целата галерија кликнете овде.

Во продолжение и видео од настапот на Дејан:

Извор на видеото: patokazmagazin.com.mk

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!