21
Пет, Јул
Домашни настани

Успешна организација на првите трки со скутери и супермото

На патеката во Волково викендов се одржаа првите трки со скутери и супермото во организација на мото клубот Сакамото од Скопје.

Следете нè на:

 

volkovo-1-30Успешен старт на трките со скутери и супермото за 2014

На патеката во Волково викендов се одржаа првите трки со скутери и супермото во организација на мото клубот Сакамото од Скопје.

Сончевото време беше магнет за многу моторџии од целата земја да присуствуваат на првите трки со скутери и супермото кои се организираа по пауза од неколку години. Мото клубот Сакамото беше организатор на трките на кои учествуваа вкупно 20 натпреварувачи.

Трките со скутери се возеа во две класи, до 50 кубни сантиметри во која имаше 8 натпреварувачи и над 50 кубни сантиметри во која силите си ги одмерија 7 натпреварувачи. Во супермото се возеше во една дивизија во која следевме 5 натпреварувачи.

Публиката имаше можност да ужива и во трката на тројцата најмлади натпреварувачи кои ревијално возеа два круга на општо задоволство на сите присутни.

volkovo-1-39Иднината на македонскиот мотоциклизам

Возбудувањата во Волково започнаа со трката со скутери до 50ццм, од која како победник излезе Перо Јордановски, пред Бранислав Милошевски и Виктор Караколев. Трката беше исполнета со возбудливи маневри и неколку претекнувања, за на крајот Јордановски заслужено да дојде до победата.

volkovo-1-52#26 Перо Јорданов, Бранислав Милошевски, #28 Виктор Караколев

Во продолжение и резултатите од трката:

Скутери 50 кубни сантиметри

  1. Перо Јордановски
  2. Бранислав Милошевски
  3. Виктор Караколев
  4. Христијан Спирковски
  5. Илија Петрушевски
  6. Виктор Таневски
  7. Мартин Јаневски
  8. Бојан Мишевски

Следна на програмата беше трката со скутери со зафатнина поголема од 50ццм. Во неа следевме голема борба за првата позиција помеѓу Даниел Блажевски, Оливер Гиовски и Александар Ацевски. На крајот победата му припадна на Гиовски кој до последниот свиок се бореше со Блажевски кој стартуваше од последното место, а на задоволство на бројната публика ни прикажаа одлична трка.

volkovo-1-76#13 Оливер Гиовски - Мачка пред Даниел Блажевски

Скутери над 50 кубни сантиметри

  1. Оливер Гиовски
  2. Даниел Блажевски
  3. Александар Ацевски
  4. Марин Сугарев
  5. Александар Цилаков
  6. Александар Ангеловски
  7. Стефан Кочов

За крај на денот следуваа и трките со супермото. Се бодуваа во две класи, 250 и 450ццм, но се возеше во една дивизија бидејќи имаше само 5 натпреварувачи. Убедливо најдобар на патеката беше Слободан Ивчески кој немаше конкуренција, но затоа пак борбата за втората позиција помеѓу Драган Ванов и Зоран Каранфиловски беше вистински празник за очи. Втората позиција на крајот му припадна на Каранфиловски но затоа пак во класата до 250 Драган Ванов го зема златниот медал.

volkovo-1-101#27 Слободан Ивчески - Цобо, #28 Зоран Каранфиловски - Каме, #1 Ванов Драган

Во продолжение и резултатите од трките со супермото:

Супермото 250

  1. Драган Ванов
  2. Христијан Бузалковски
  3. Јове Иванов

Супермото 450

  1. Слободан Ивчески
  2. Зоран Каранфиловски

Резултати од дивизија:

  1. Слободан Ивчески
  2. Зоран Каранфиловски
  3. Драган Ванов
  4. Христијан Бузалковски
  5. Јове Иванов

За целата галерија од возбудувањата во Волково кликнете овде.

Следната трка на патеката Волково е закажана за крајот на Јуни, тоа ќе биде втора трка од вкупно 7 колку што се планирани. Иако трките беа најавени дека ќе се бодуваат за шампионатот на Македонија, заради неможноста да дојдат до заеднички јазик организаторот на трките и МФМ, ќе следиме трки за Сакамото купот на Македонија за 2014.

 

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!