25
Нед, Јун
Домашни настани

На Орман се возеше втората трка од шампионатот во мотокрос

На патеката Орман крај Скопје денеска се возеше втората трка од отворениот шампионат на Македонија во Мотокрос.

Следете нè на:

 

mx orman 2015Втора трка од отворениот шампионат на Македонија во мотокрос

На патеката Орман крај Скопје денеска се возеше втората трка од отворениот шампионат на Македонија во Мотокрос.

Во техничка организација на мото клубот Вардар, а под покровителство на Мотоциклистичката Федерација на Македонија на патеката Орман се одржа втората трка од отворениот шампионат на Македонија во мотокрос.

Одличното време беше магнет за публиката на патеката Орман да дојде во голем број и да ги проследи трките во класите MX85, MX3, MX2, MX1 и MX Open. Вкупно 21 возач се појави на патеката крај Скопје, а освен домашните натпреварувачи присутни беа и двајца гости од Србија.

Во класата МХ Open во која се најдоа возачите кои не се бодуваат за шампионатот на Македонија првото место му припадна на Фазли Ислами (Хонда), второпласиран беше Тодор Стојановски (Кавасаки), а на третата позиција се најде Амир Амети (Сузуки).

Заради бројот на возачи заедно на патеката се најдоа натпреварувачите од класите МХ Open и МХ3, а потоа и МХ2 и МХ1. Единствено најмладите во класата МХ85 возеа посебна трка. Кај нив победник беше Миодраг Станојевиќ од Србија, второто место му припадна на Самир Бишевац (МК Мото Велес), а трет беше Албан Елези (МК Вардар).

mx orman 2015 122Возбудливи трки во класите МХ3 и МХ Open

Во класата МХ3 нај успешен беше Јован Стојков (МК Ноќни Волци) кој беше второпласиран на првата трка но победи на втората. Стојков го размени местото на пиедесталот со Борче Костов (МК Ноќни Волци) кој победи во првата трка но беше втор на втората, па според пропозициите иако имаа ист број на бодови на крајот замина дома со пехарот за второто место. Во оваа класа трет беше Мирче Ќорнаков (МК Ноќни Волци).

Во класата МХ2 гостинот од Србија Младен Станојевиќ го освои првото место, ист број бодови во оваа класа имаше нашиот Христијан Станкович (МК Мотостарс) но заради победата на Станојевиќ во втората трка тој мораше да се задоволи со пехарот за второто место. Васко Киров (МК Ноќни Волци) заврши на третата позиција во оваа класа.

mx orman 2015 223Христијан Илиоски ја забавуваше публиката на Орман

Нај силната класа МХ1 помина без изненадувања, Христијан Илиоски (МК Пелистер) со две победи заслужено го доби првото место, а Гоце Томовски (МК Гого) заврши на втората позиција пред Драган Ванов (МК Мото Велес) кој имаше успешна трка.

Следната трка од шампионатот се вози на 1-ви ноември на патеката Братиндол во Битола.

comments

Би можело да ве интересира

Викендов на програмата е 8-та трка од МотоГП шампионатот која ќе се вози на патеката Асен во Холандија.

„Викендот во Каталуња, вклучувајќи го и тестот беше навистина големо искуство за мене. Сакам да го искористам знаењето кое го стекнав за да остварам што е можно подобар резултат“ – Јохан Зарко.

„Секако дека временските услови секогаш се непредвидливи и прават работите да се менуваат многу брзо. Затоа мораме да бидеме подготвени да се адаптираме исто како што направивме минатата сезона и во 2014 година“ – Марк Маркез

Откако на големо изненадување, прилично рано беше објавен календарот за следната сезона во Формула 1, се поставува прашањето како тоа ќе влијае на MotoGP календарот за следната сезона.

Германецот кој настапува за тимот Tech 3 Yamaha се најде пред двајцата фабрички возачи, како на двете сесии така и на трката. Тимот на Ерв Поншарал ја продолжи серијата на импресивни настапи.

Motul повторно е официјален лубрикант на трофејот Isle of Man. Од 5-ти до 9-ти јуни, три тима со техничка поддрша од страна на Француската компанија остварија победи на трката која постои од 1911 година.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!