Домашни настани

Кико се враќа на патеките, фантастична трка во Братиндол

Христијан Илиоски - Кико на најдобар можен начин го најави враќањето на тркачките патеки, со двојна победа во класата МХ1 на трката која вчера се возеше на патеката Братиндол крај Битола.

Следете нè на:

 

bratindol-kros-403Момент од стартот на првата трка во класите МХ1 и МХ2

Христијан Илиоски - Кико на најдобар можен начин го најави враќањето на тркачките патеки, со двојна победа во класата МХ1 на трката која вчера се возеше на патеката Братиндол крај Битола.

Бројната публика во Битола присуствуваше на одличната трка која ја организираше „ЛТД мотокрос“ клубот од Битола. На трката имавме можност да ги проследиме мајсториите на домашните возачи но и на гостите од Србија, Црна Гора, Албанија, Косово и Грција.

Секако најголем впечаток на домашната публика и остави популарниот Кико, кој покажа дека иако повеќе од една година нема настапувано на трка, пехарите кои ги има не се за џабе.

bratindol-kros-522Христијан Илиоски - Кико и Гоце Томовски по крајот на трката

Новиот мотоцикл Хонда го купи пред само една недела и иако немаше доволно време за тренинг на патеката буквално леташе воодушевувајќи ја публиката. Втората позиција на двете трки во класата МХ1 му припадна на водечкиот во генералниот пласман и негов добар пријател, Гоце Томовски.

Уште една борба која беше интересна за публиката секако беше онаа во класата МХ3 помеѓу Борче Костов и Јове Стојков која за жал во првата трка заврши со пад на двајцата по кој Јове не можеше да ја продолжи трката.

joftic-borceМомент пред падот на двајцата возачи од Битола

Од гостите впечатливо возење видовме од страна на гркот Петрос Станусис кој пебеди во класата МХ3 како и од младиот Виктор Иванович кој забележа двојна победа во класата МХ2. Од домашните возачи во класата МХ2 се издвои Михаил Бајовски како и Никола Гулевски. По подолго време на мотокрос трка го видовме и Слободан Ивчески - Цобо, кој на оваа трка настапи со позајмен мотор од Борче Костов.

За целата галерија од трките кликнете овде.

Во продолжение и комплетните резултати од вчерашните трки:

- Прва трка класи МХ1 и МХ2
- Втора трка класи МХ1 и МХ2

- Прва трка класа МХ3
- Втора трка класа МХ3

- Прва трка класи МХ65 и МХ85
- Втора трка класи МХ65 и МХ85

bratindol-kros-516Кико во негов стил ја завршува трката

За крај би сакале уште еднаш да го потенцираме возењето на Кико и она што ова момче може да го направи во својот живот, а за жал нема средства. Финансиите се проблем за секој натпреварувач, но Македонија има талент кој може да ја издигне во светски план во мотокросот. Впрочем Кико е единствениот наш натпреварувач кој донел бодови за македонија од Светски шампионат.

Неговиот план за следната година е повторно да вози на Источно-Европскиот шампионат во мотокрос, а доколку обезбеди средства би се обидел и во повисок ранг на натпреварување. Нека биде ова повик за МФМ, Агенцијата за млади и спорт, сите компании кои можат да одвојат средства и сите кои на било кој начин можат да му помогнат на Кико. Да не дозволиме талентот на Кико да пропадне, го имаме идниот Рики Кармајкл на кој му требаат само средства за да го покаже својот потенцијал. И да не биде само на празни зборови, за оние кои не знаат за успесите на младиот битолчанец, во продолжение и две фотки од дел од пехарите на Кико:

bratindol-kros-669

bratindol-kros-673

 

comments

Би можело да ве интересира

Клубот за екстремни спортови „Skyriders“ од Прилеп викендов по 5-ти пат ќе ја организира меѓународната трка насловена како „Storm Riders 2017“ на мото крос арената во Лагово.

Вицешампионот за сезоната 2017 во MotoGP шампионатот, Андреа Довициозо, вели дека мора да ги согледа позитивните работи како од трката која се возеше во неделата така и од неверојатно успешната сезона за него и за Ducati.

Иако е навистина невообичаен мотоцикл, сепак Moto Guzzi Stelvio има свои следбеници. Кога исчезна од линијата на Moto Guzzi, тој им недостасуваше на многумина.

Ако мислевте дека Honda CB1000R 2018 е добар мотоцикл, тогаш имаме интересна вест за вас. Honda Motor Europe на EICMA мото шоуто во Милано дебитираше со два мотоцикли: Honda CB125R и Honda CB300R.

Без никакво сомневање, Ducati Panigale V4 супербајк е најинтересниот мотоцикл објавен оваа година. Ова не е само наше мислење бидејќи тој беше официјално прогласен за крал на EICMA шоуто.

Honda ја прошири својата Africa Twin линија со уште еден модел. 2018 CRF1000L2 Adventure Sports беше претставен за време на EICMA мото шоуто, а заедно со него беше претставена и една посилна верзија на моделот.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!